Aýa raıy
Astana 18 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Jambyl oblysyndaǵy jármeńkede 300 tonnadan astam agroónim satyldy

2019 jyldyń 12 qarasha 2019 22:56

TARAZ. QazAqparat – Jambyl oblysynyń 80 jyldyq mereıtoıyna oraı Taraz qalasynda ekikúndik aýyl sharýashylyǵy ónimderiniń jármeńkesi ótti, dep habarlaıdy QazAqparat tilshisi.

Oblys ortalyǵynda ótken jármeńke óńirdiń aıtýly mereıtoıy men aýyl sharýashylyǵy eńbekkerleri kúnine oraı uıymdastyryldy. Oǵan oblystyń barlyq 10 aýdany men Taraz qalasynyń taýar óndirýshileri atsalysty.

Eki kúnge jalǵasqan jármeńkede ónimder baǵasy naryqtaǵydan 8-20 paıyz aralyǵynda tómen boldy. Atap aıtsaq, bul kúnderi qala turǵyndary qoı etin 1 550 teńgeden, sıyr etin 1 700 teńgeden, jylqy etin 1 800 teńgeden, shoshqa etin 1 700 teńgeden, qazyny 2 000 teńgeden satyp aldy. Sondaı-aq, fabrıkadaǵy taýyq etiniń kelisi 820 teńgeden, irimshik 1 300 teńgeden, balyq 600-700 teńgeden, jumyrtqa 23 teńgeden (1 dana), úı súti 160 teńgeden (1 lıtri) satyldy.

Alǵashqy kúni Taraz qalasy jáne Baızaq, Jýaly, Talas, Moıynqum, Shý aýdandarynyń taýar óndirýshileri men turaqtandyrý qorynyń ónimderi satyldy. Al, ertesine Jambyl, Merki, Qordaı, T.Rysqulov, Sarysý aýdandary men turaqtandyrý qorynyń ónimderi usynyldy.

Jármeńkege arnaıy kelgen oblys ákiminiń orynbasary Murathan Shúkeev qoıylǵan taýarlardyń sapasy men baǵasyna baza nazar aýdaryp, baǵanyń turaqtylyǵyn qamtamasyz etýdi tapsyrdy.

«Jármeńkede satylǵan aýylsharýashylyq taýarlarynyń jalpy quny 89,9 mıllıon teńgeni, kólemi 314 tonnany qurady. Onyń ishinde, ishinde 20 tonna et, 8 tonna sút ónimderi, 6 tonna shujyq ónimderi, 8 myń dana jumyrtqa, 4 tonna balyq, 2 tonna bal, 1,5 tonna kondıterlik ónimder men 4 tonna makaron ónimderi, 0,8 tonna tuz jáne 266,7 tonna jemis-jıdek pen kókónis ónimderi bar», - deıdi oblystyq Aýyl sharýashylyǵy basqarmasynyń basshysy Berik Nyǵmashev.

Joǵary qaraı