Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Almatydaǵy jarylys: 100% kúıip qalǵan er adam jan tapsyrdy

2019 jyldyń 12 qarasha 2019 14:15

ALMATY. QazAqparat – Almatyda gaz jarylǵan úıde aýyr jaraqat alǵan 36 jastaǵy er adam qaıtys boldy, dep habarlaıdy QazAqparat tilshisi.

«36 jastaǵy er adamnyń denesi 100% kúıip qalǵan bolatyn. Óte aýyr halde jatqan. Jasandy tynys alý apparatyna qosylǵan. Búgin tańǵa jýyq júregi toqtady. Reanımatsııalyq sharalar júrgizildi, biraq nátıje bergen joq. Onyń denesi sot medıtsınalyq saraptamaǵa baǵyttaldy», - dedi qalalyq Qoǵamdyq densaýlyqty saqtaý basqarmasynan.

Aıta ketý kerek, odan bólek jansaqtaý bóliminde taǵy eki adam jatyr.

19 jastaǵy qyzdyń denesiniń 85%-yn kúıik (3-dárejeli) shalǵan. Jaǵdaıy óte aýyr. 23 jastaǵy jigittiń beti, aıaq-qoldary kúıgen (1-dárejeli, denesiniń 22%-yn kúıik shalǵan). Bul patsıenttiń de jaǵdaıyn dárigerler óte aýyr dep baǵalap otyr.

Eske sala keteıik, Almatyda úsh qabatty jekemenshik úıde gaz jarylyp, 3 adam aýyr jaraqat alǵan edi.

Qaıǵyly oqıǵa Pervomaıka aýylyndaǵy Postyshev, 64 «V» mekenjaıynda barak tıptes 3 qabatty jekemenshik úıde bolǵan. Onda jaldamaly bólmelerde 12 otbasy turyp jatqan.

Joǵary qaraı