Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Arysta «Altyn kúz - 2019» oblystyq spartakıadasy ótti

2019 jyldyń 12 qarasha 2019 13:44

ARYS. QazAQparat - Arys qalasynda Túrkistan oblysy aýyl sharýashylyǵy basqarmasynyń uıymdastyrýymen buqaralyq jáne ulttyq sport túrlerin damytý, turǵyndar arasynda salaýatty ómir saltyn qalyptastyrý maqsatynda «Altyn kúz-2019» oblystyq sporttyq saıysy ótti. Bul jóninde oblys ákiminiń baspasóz qyzmetine silteme jasap QazAqparat habarlaıdy.

Sharaǵa Túrkistan oblysyndaǵy aýdan-qalalardyń aýyl sharýashylyǵy salasynda eńbek etip júrgen 400-ge jýyq memlekettik qyzmetker qatysty.







Oblystyq jáne aýdan, qalalardyń aýyl sharýashylyǵy salasynyń qyzmetkerlerinen quralǵan 21 komanda shaǵyn fýtbol, arqan tartys jáne voleıbol syndy komandalyq oıyndardan synǵa tústi.

Tartysty dodada voleıboldan І oryndy - oblystyq aýyl sharýashylyǵy basqarmasy, ІІ oryndy - Sozaq aýdany, ІІІ oryndy - Arys qalasy ıelendi. Arqan tartystan І oryn - Arys qalasy, ІІ oryn - Sozaq aýdany, ІІІ oryn - Maqtaral aýdanyna buıyrdy. Shaǵyn fýtboldan І oryndy - Jetisaı aýdany, ІІ oryndy - oblystyq veterınarııalyq laboratorııasy, ІІІ oryndy - Saıram aýdany jeńip aldy.

Jeńimpaz jáne júldeger komandalar Túrkistan oblystyq aýyl sharýashylyǵy basqarmasynyń dıplomdarymen jáne kýboktarmen marapattaldy.













Joǵary qaraı