Aýa raıy
Astana 25 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Elordada jastarǵa beriletin páterge ótinish qabyldaý merzimi uzartyldy

2019 jyldyń 11 qarasha 2019 16:16

NUR-SULTAN. QazAqparat - Elordada jumys isteıtin jastardan satyp alý quqyǵynsyz jaldamaly páterge ótinish qabyldaý merzimi bir kúnge uzartyldy, dep habarlaıdy QazAqparat tilshisi.

«2019 jyldyń 11 qarashasynda saǵat 12.20-da Smart Astana portalynyń jumysy qalpyna keltirildi. Jumys isteıtin jastar úshin satyp alý quqyǵynsyz jalǵa beriletin turǵyn úıge qujattardy qabyldaý aǵymdaǵy jyldyń 12 qarashasy saǵat 22.00-ge deıin uzartyldy», - delingen ákimdiktiń baspasóz qyzmeti taratqan habarlamada.

Aıta ketsek, Jastar jylyna oraı Elbasynyń tapsyrmasymen QR Aqparat jáne qoǵamdyq damý mınıstrligi memlekettik organdarmen birlese otyryp, Nur-Sultan, Almaty jáne Shymken qalalarynda jumysshy jastarǵa turǵyn úıdi berý boıynsha erejelerdi bekitken bolatyn. Atalǵan tapsyrmany QR Tuńǵysh Prezdıenti N.Á.Nazarbaev 2019 jyldyń 23 qańtarynda Jastar jylynyń ashylý saltanatynda bergen edi.

Páterge úmitkerdiń kásibı saladaǵy tıisti dıplomy, sertıfıkaty bolýy kerek. Sonymen birge, ótinim bergen jastyń otbasynyń jáne balalarynyń bolýy eskeriledi. Máselen, eger ótinish berýshi mektep muǵalimi bolsa oǵan 5 upaı, otbasynyń bolýyna 5 upaı beriledi. Bala sanyna baılanysty 1 upaıdan, ekinshi deńgeıli bankte jınaq shotynyń bolýy 2 upaıdan esepteledi. Jastar úshin jaldamaly páter berý baǵdarlamasy 2021 jylǵa deıin júzege asyrylady.

Ótinimdi 5-10 qarasha aralyǵynda tek elektrondy túrde «Smart Astana» mobıldik qosymshasy arqyly berýge bolady. Jalǵa beriletin turǵyn úıge 29 jasqa tolmaǵan, jalpy bilim beretin mektepterdiń, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý uıymdarynyń oqý josparlaryn meńgergen jáne eńbek qyzmetin júzege asyratyn azamattar ótinish bere alady. Sonymen qatar, naryqta suranysqa ıe 100 mamandyqtyń tizimine sáıkes, kásipti ıgergen azamattar, jas otbasylar, jas kásipkerler, bıýdjettik uıymdardyń qyzmetkerleri basym sanattarǵa jatady.

Joǵary qaraı