Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astana protsesi: Sırııa daǵdarysy boıynsha kelesi otyrys qashan ótedi

2019 jyldyń 2 tamyz 2019 16:00

NUR-SULTAN. QazAqparat - Astana protsesi aıasynda Sırııadaǵy daǵdarysty retteý jónindegi kelesi halyqaralyq kezdesý qazan aıynda ótedi, dep habarlaıdy QazAqparat tilshisi.

Bul týraly Astana protsesiniń 13-kezdesýinde kepil memleketter - Iran, Reseı jáne Túrkııanyń birlesken málimdemesinde aıtyldy.

«Sırııa máseleleri boıynsha Astana formatyndaǵy kelesi halyqaralyq kezdesýdi Nur-Sultan qalasynda 2019 jyldyń qazan aıynda ótkizýdi uıǵardyq», - dedi QR Syrtqy ister mınıstriniń orynbasary Roman Vasılenko elordada Sırııa boıynsha kelissózdiń 13-raýndynda kepil memleketterdiń birlesken málimdemesin oqý barysynda.

Sonymen birge, resmı qujatta Astana protsesiniń jańa baqylaýshylary retinde Irak pen Lıvan delegatsııalarynyń qatysýy aıryqsha atalyp ótti.

«Baqylaýshy elder - Iordanııa, Irak jáne Lıvannyń Sırııadaǵy beıbitshilik pen turaqtylyqty ornatý isine óz úlesin qosatynyna senim bildiremiz. Nur-Sultan qalasynda Sırııa máseleleri boıynsha 13-halyqaralyq kezdesý ótkizgeni úshin Qazaqstan bıligine shynaıy alǵys aıtamyz», - delingen málimdemede.

Aıta keteıik, elordada Sırııadaǵy daǵdarysty retteý boıynsha Astana protsesiniń 13-shi halyqaralyq kezdesýi ótti. Basqosý Sırııadaǵy, ásirese Idlıb provıntsııasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaıtýǵa jáne saıası protsesti odan ári ilgeriletýge basa nazar aýdarady.

Joǵary qaraı