Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Arshalyda kásiporyn ıesi basqa qaladan kelgen úsh adamdy kúshtep jumysqa jekken

2021 jyldyń 25 qyrkúıek 2021 02:03

KÓKShETAÝ. QazAqparat - Aqmola oblysynda adam saýdasyna kúdiktiler anyqtaldy, dep habarlaıdy QazAqparat tilshisi.

Aqmola oblysy polıtsııa departamenti baspasóz qyzmetiniń málimetinshe, bıylǵy jylǵy qyrkúıektiń 19-24 aralyǵynda óńirde «Stop-trafık» respýblıkalyq jedel-aldyn alý is-sharasy ótkizildi, onyń aıasynda polıtsııa qyzmetkerleri qonaq úıler men oıyn-saýyq mekemelerin, monsha keshenderin jáne eńbek jáne jynystyq paıdalaný faktilerin anyqtaý yqtımaldyǵy joǵary basqa da obektilerdi tekserdi.

«Buǵan deıin Arshaly polıtsııasynyń kezekshi bólimine Konstantınovka aýylynda jergilikti turǵyn birneshe adamdy zańsyz kúshtep ustap, kásiporynda jumys isteýge májbúrleıtini týraly habarlandy. Aıtylǵan jerge barǵan jedel-tergeý toby 9-14 qyrkúıek aralyǵynda qaskóı eki seriktesimen birge Nur-Sultan qalasynda tabys izdep júrgen adamdarǵa jaldamaly jumys usynǵanyn anyqtady. Keıin qaskóı elordalyqtardy kásiporyn aýmaǵyna Arshaly aýdanynyń Konstantınovka aýylyna alyp kelgen», - dedi vedomstvodan.

Teskeris kezinde seriktestik aýmaǵynda 20-dan astam jumysshy bolǵany anyqtaldy, onyń úsheýi - 39-dan 53 jasqa deıingi er adamdar.

Qostanaı, Shymkent jáne Nur-Sultan qalalarynyń turǵyndary 14 qyrkúıekten bastap JShS aýmaǵynda zańsyz ustaý faktisi boıynsha sharalar qabyldaý týraly polıtsııaǵa júgindi.

«Qylmys qorqytý jáne zorlyq-zombylyq jasaý arqyly jasalǵany anyqtaldy. Atalǵan fakti boıynsha Qylmystyq kodekstiń 128 baby 2-bóligi boıynsha sotqa deıingi tergeý bastaldy, sot-medıtsınalyq saraptama taǵaıyndaldy. Odan ári tergeý sharalary júrgizilýde», - dep tolyqtyrdy polıtsııa.


Avtor Aslan Ospanov
Basty sózder: Aqmola oblysy, Zań, Nur-Sultan, Oqıǵa,
Joǵary qaraı