Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Arshaly aýrýhanasynan shyǵyp, dalada ólgen keıýana: Qyzmettik tekserý aıaqtaldy

2021 jyldyń 15 qyrkúıek 2021 10:24

KÓKShETAÝ. QazAqparat - Dárigerler Arshaly qalasynda qaıtys bolǵan naýqas boıynsha júrgizilgen qyzmettik tergeýdiń qorytyndysyn jarııalady. Áıeldiń denesi statsıonardan shyqqannan keıin orman alqabynan tabyldy. Komıssııa qorytyndysy boıynsha Arshaly aýdandyq aýrýhanasynyń medıtsına qyzmetkerleri qoldanystaǵy zańnama normalaryn buzǵan joq, dep habarlaıdy QazAqparat tilshisi.

Aqmola oblysy densaýlyq saqtaý basqarmasynyń málimetinshe, 60 jastaǵy naýqas 2021 jyldyń 21 tamyzynda Shortandy aýdandyq aýrýhanasynyń joldamasy boıynsha Arshaly aýdandyq aýrýhanasynyń statsıonaryna túsken.

Áıeldiń júrek aıný, qusý, bas aýrýy, entigý, jalpy álsizdik, sırek qurǵaq jótel jáne keýdedegi yńǵaısyzdyq týraly shaǵymdary boldy.

Kelesi kúni saǵat 19:41-de jaǵdaıdyń teris dınamıkasy men aýyrlyǵyn eskere otyryp, konsılıýmnyń sheshimimen ol qarqyndy terapııa palatasyna, al 26 tamyzda jalpy palataǵa aýystyrylǵan.

Vedomstvodan atap ótkendeı, 6 qyrkúıek saǵat 13:15 kezinde naýqasqa jazylyp shyqqany aıtyldy. Áıel balasy kelgende ǵana bólimsheden shyǵatynyn jetkizgen.

Saǵat shamamen 14:15-te naýqas medbıkege ulynyń kelgenin jáne úıine shyqqysy keletinin aıtady. Ári qaraı kezekshi medbıke oǵan bólimsheden shyǵýǵa kómektesken.

Tek saǵat 16:00-de naýqastyń artynan bir uly keldi, oǵan olar áıeldiń ketip qalǵanyn habarlaıdy. Osydan keıin áıeldi izdeý sharalary bastaldy.

«Saǵat 17:00-de izdeýge medıtsına qyzmetkerleri de qosyldy. Qyzmetkerler taksı júrgizýshilerimen suhbattasyp, jaqyn mańdaǵy barlyq saýda núktelerin, naýqastyń fotosýreti bar dúkenderdi aralap shyqty. Eki kún boıy dárigerler Ulttyq ulan №6505 áskerı bóliminiń áskerı qyzmetshilerimen birge túngi saǵat 01:00-ge deıin izdestirý jumysyn júrgizdi. Biz saıajaı ýchaskelerin aralap, jaqyn mańdaǵy barlyq qaraýsyz qalǵan ǵımarattardy aralap, ózen boıymen júrdik. Eki kúnniń ishinde izdeýge 60-tan astam adam jumyldyryldy», - dedi vedomstvodan.

Jedel-izdestirý sharalary barysynda polıtseıler Arshaly kentinde ornalasqan beınebaqylaý kameralarynyń jazbasyn qarap, Arshaly men Nur-Sultan arasynda tasymaldaıtyn taksı júrgizýshilerinen jaýap aldy, adam kóp jınalatyn oryndarǵa baǵdarlar japsyrdy, Arshaly aýdany polıtsııa bóliminiń jeke quramyn baǵdarlady.

Aqbulaq, Ijevskoe aýylynyń, Arshaly stantsııasynyń aýmaǵyn aralady.

Nátıjesinde 9 qyrkúıekte vokzal mańyndaǵy orman alqabynan áıeldiń denesi tabyldy.

«Sol kúni shuǵyl túrde Aqmola oblystyq densaýlyq saqtaý basqarmasynyń basshysy, Medıtsınalyq jáne farmatsevtıkalyq baqylaý komıtetiniń aýmaqtyq departamenti, zań qyzmetteri basshysynyń orynbasary bastaǵan komıssııa quryldy. 10 qyrkúıekte basqarma basshysy Narıman Syzdyqov Arshaly aýdandyq aýrýhanasynyń ınfektsııalyq statsıonaryn aralap shyqty. Statsıonardyń materıaldyq-tehnıkalyq jaǵdaıy qanaǵattanarlyq. Infektsııalyq statsıonardyń birinshi qabatynda beınebaqylaý kameralary bar. Basqarma basshysy sanıtarlyq normalardy saqtaı otyryp, ujymmen etıka jáne deontologııany qatań saqtaý máselesi boıynsha jumys kezdesýin ótkizdi» delingen habarlamada.

Sonymen qatar, qyzmettik tergeýdi obektıvti jáne jan-jaqty júrgizý úshin densaýlyq saqtaý basqarmasy basshysynyń 10 qyrkúıektegi buıryǵymen bas dáriger Albına Anıýhına qyzmetinen ýaqytsha shettetildi.

«Áreketke qabiletti patsıentti shyǵarý týraly málimetterdi senim bildirgen adamdarǵa berý máselesi zańdy túrde aıqyndalmaǵan. Tıisinshe, Arshaly aýdandyq aýrýhanasynyń medıtsına qyzmetkerleri qoldanystaǵy zańnama normalaryn buzǵan joq», - dep túıindedi vedomstvodan.

Eske sala keteıik, Aqmola oblysynda statsıonardan shyqqannan keıin joǵalǵan 60 jastaǵy áıeldiń denesi tabyldy. Osyǵan baılanysty Aqmola oblysynyń densaýlyq saqtaý basqarmasy shuǵyl komıssııa qurdy.


Avtor Aslan Ospanov
Basty sózder: Aqmola oblysy, Medıtsına, Oqıǵa,
Joǵary qaraı