Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Arnaıy ekonomıkalyq aımaqtardaǵy keıbir salalar qysqartylady

2022 jyldyń 19 mamyr 2022 18:15

NUR-SULTAN. QazAqparat – Arnaıy ekonomıkalyq aımaqtardaǵy beıindi emes salalar qysqartylady. Bul týraly Indýstrııa jáne ınfraqurylymdyq damý vıtse-mınıstri Marat Qarabaev aıtty, dep habarlaıdy QazAqparat tilshisi.

«Arnaıy ekonomıkalyq aımaqtardy damytýdyń tıisti qadamdaryn josparladyq. Birinshiden, beıindi emes baǵyttardy qysqartamyz, ıaǵnı densaýlyq saqtaý, aqparattyq tehnologııalar, qurylys sekildi baǵyttar qamtylady. Qurylys ındýstrııasyna ary qaraı jeńildikter qajet emes ekenin nazarǵa alyp otyrmyz. Jalpy, ınfraqurylym baǵytyndaǵy jumystar 66 paıyzǵa aıaqtalǵan. Infraqurylymmen qamtamasyz etilmegen aýmaqtardy AEA quramynan shyǵaramyz. Osy oraıda joba-smetalyq qujattamasy bar aýmaqtarda bastalǵan ınfraqurylymdy aıaqtaýǵa ekpin qoıamyz», -dedi M. Qarabaev Senatta ótken dóńgelek ústel otyrysynda.

Budan buryn habarlanǵandaı, eki jylda Qazaqstanda Arnaıy ekonomıkalyq aımaqtar bıýdjetke 170,2 mlrd teńge túsirdi.

Sonymen qatar AEA-larǵa jeńildik jasaý tetikteri ózgeredi.

Osy oraıda memleket tarapynan qoldaý is-sharalaryn usyný boıynsha saralanǵan qadamdar eskeriledi.


Joǵary qaraı