Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Armenııa SpaceX kemesimen alǵashqy ǵarysh spýtnıgin ushyrdy

2022 jyldyń 26 mamyr 2022 22:52

EREVAN. QazAqparat - Armenııa Jerge jaqyn orbıtaǵa alǵashqy ǵarysh spýtnıgin ushyrdy. Bul týraly Armenııanyń úkimet otyrysynda eldiń premer-mınıstri Nıkol Pashınıan málimdedi, dep habarlaıdy QazAqparat.

Spýtnıkten túsirilgen sýretter shekaradaǵy baqylaý, tótenshe jaǵdaılardyń aldyn alý, qorshaǵan ortany qorǵaý, qala jáne jol qurylys, taǵy basqa salalarda qoldanylmaq. Armenııanyń «Geokosmos» AQ men ıspandyq «Satlantis» kompanııasynyń yntymaqtastyǵy nátıjesinde 25 mamyrda SpaceX kemesi arqyly Jerge jaqyn orbıtaǵa Armenııanyń birinshi ǵarysh serigi ushyryldy.

«2022 jylǵy 25 mamyrda Erevan ýaqytymen saǵat 22.35-te AQSh-tyń Kanaveral múıisindegi ǵarysh ortalyǵynan SpaceX ǵarysh kemesi arqyly Armenııanyń birinshi ǵarysh serigi ushyryldy. Armenııa ǵaryshtyq qyzmeti dáýirine qadam basty. Biz ǵaryshty zertteý jáne óndirý salasyndaǵy baı dástúrlerimizdiń qalpyna keletinine úmittenemiz», - dedi premer-mınıstr Nıkol Pashınıan.

Ol sondaı-aq Armenııada 2023 jyldyń sońyna deıin spýtnıktik basqarý ortalyǵy men qabyldaý stantsııasy qurylatynyn atap ótti.


Basty sózder: Armenııa, Ǵarysh, Álem,
Joǵary qaraı