Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Árbir besinshi jemqorlyq memlekettik satyp alý salasynda bolady- agenttik

2022 jyldyń 13 mamyr 2022 13:02

NUR-SULTAN. QazAqparat – Memlekettik satyp alý salasynda 2020 jyldan bastap bıylǵy 1 toqsanǵa deıin 418 qylmystyq is tirkeldi. Bul týraly QR Sybaılas jemqorlyqqa qarsy is-qımyl agenttigi tóraǵasynyń orynbasary Ulan Sarqulov aıtyp berdi, dep habarlaıdy QazAqparat tilshisi.

«Memleket basshylyǵy satyp alý salasyndaǵy júıeli problemalar týraly birneshe ret aıtqan bolatyn. Bıyl 1 aqpanda sybaılas jemqorlyqqa qarsy is-qımyl máseleleri jónindegi keńeste Prezıdent jyldar boıy sybaılas jemqorlyq pen ysyrapshylyq bıýdjet protsesiniń barlyq kezeńderinde baıqalyp otyrǵanyn aıtty. Qabyldanǵan sharalar da bul jaǵdaıdy aıtarlyqtaı ózgertpedi. Osyǵan baılanysty ol memlekettik satyp alýlar men kvazımemlekettik sektordaǵy satyp alýlar júıesin qaıta qaraýdy tapsyrdy», - dedi U. Sarqulov Ortalyq kommýnıkatsııalar qyzmetinde ótken baspasóz máslıhatynda.

Statıstıkaǵa sáıkes, bıýdjet shyǵystarynyń jalpy somasyndaǵy memlekettik satyp alý úlesi shamamen 30%-ǵa jetedi. Al bul Qazaqstannyń JІÓ qurylymynda shamamen 5%-dy quraıdy jáne naryqqa aıtarlyqtaı ekonomıkalyq áserin tıgizedi.

«Bıýdjet qarajatynyń mundaı aınalymy memlekettik satyp alý júıesindegi sybaılas jemqorlyq qaterin kúsheıtedi. Árbir besinshi sybaılas jemqorlyq qylmysy dál osy salada jasalady. Máselen, 2020 jyldan bastap bıylǵy 1 toqsanǵa deıin 418 qylmystyq is aıaqtaldy jáne 162 adam sottaldy. Taldaý kórsetkendeı, bul qylmystardyń 80%-y oryndalǵan jumystardyń jalǵan aktilerine qol qoıý jáne satyp alý jeńimpazyn anyqtaý kezinde bıýdjet qarajatyn urlaýmen jáne paraqorlyqpen baılanysty», - dedi Ulan Sarqulov.


Joǵary qaraı