Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

«Araltuz» AQ jáne «Aralsoda» aýdandyq aýrýhanaǵa reanımobılder tartý etti

2020 jyldyń 20 qarasha 2020 10:23

NUR-SULTAN. QazAqparat - «Araltuz» AQ jáne «Aralsoda» JShS jedel medıtsınalyq kómek kórsetý úshin Aral aýdanaralyq aýrýhanasyna zamanaýı qurylǵymen jabdyqtalǵan eki reanımobıl satyp alyp, tapsyrdy.

Osy maqsatqa qos kompanııa shamamen 20 mıllıon teńge bóldi, dep habarlaıdy QazAqparat.

Aral aýdanaralyq aýrýhanasy jáne onyń qurylymdyq bólimsheleri 70 myń turǵynǵa medıtsınalyq kómek kórsetedi. Reanımobılderge ornatylǵan jabdyqtar jaǵdaıy asa aýyr naýqastarǵa kómek kórsetýge múmkindik beredi.
«Bul reanımobılder aýadaı qajet, bizdiń bazada bireýi ǵana bar, ol jetkiliksiz, ásirese pandemııa kezinde. Osyndaı mańyzdy jáne ýaqtyly qoldaý úshin «Araltuz» jáne «Aralsoda» kompanııalaryna zor alǵysymyzdy bildiremiz», - dedi «Aral aýdanaralyq aýrýhanasy» sharýashylyq júrgizý quqyǵyndaǵy kommýnaldyq memleketik kásiporny bas dárigeriniń orynbasary Laýra Ádilbaeva.








«Koronavırýs pandemııasy kezinde biz medıtsınalyq mekemeler men densaýlyq saqtaý salasynyń qyzmetkerlerin qoldaýǵa basa nazar aýdarýdy jón kórdik. Reanımobılderdi satyp alý – Aral aýdanynyń medıtsınalyq mekemelerine alǵashqy jáne sońǵy kómegimiz emes», - dedi «Araltuz» AQ prezıdenti Aıdynbek Taýasarov.

Qaıyrymdylyq kómekke «Araltuz» AQ men «Aralsoda» JShS óz qarajatynan 50 mıllıon teńge bóldi. Buǵan deıin osy aktsııa aıasynda kompanııalar Aral aýdanyndaǵy juqpaly jáne provızorlyq aýrýhanalardy Covid-19-pen kúresýge arnalǵan qural-jabdyqtarmen qamtamasyz etken. Medıtsınalyq mekemelerge 19 ottegi kontsentratory men 200 medıtsınalyq tósek tapsyrylyp, medıtsına qyzmetkerlerine 200 arnaıy qorǵanys kıim berildi.






Basty sózder: Medıtsına, Qyzylorda oblysy,
Joǵary qaraı