Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Araldaǵy sekseýil alqaby 20 jylda 337 myń gektarǵa jetken

2021 jyldyń 14 maýsym 2021 13:24

NUR-SULTAN. QazAqparat – Qazaqstan 2030 jylǵa deıin Araldyń tuzdy tabanyndaǵy 1,1 mln gektar aýmaqqa sekseýil ekpekshi, dep habarlaıdy QazAqparat tilshisi.

Bul týraly halyq aldynda eseptik kezdesýinde Ekologııa, geologııa jáne tabıǵı resrýrstar mınıstri Maǵzum Myrzaǵalıev Araldyń tabanyndaǵy tuzdy shańdy azaıtý máselesine de toqtaldy.

«Aral teńiziniń keýip qalǵan ornyna sekseýil egý jeke másele deýge bolady. 1990-2021 jyldar aralyǵynda 195 myń gektar (qańsyǵan aýmaqtyń 9%-y) jerge sekseýil otyrǵyzyldy. Birneshe apta buryn atalǵan aýmaqqa arnaıy ekspedıtsııa shyǵyp, egilgien aǵashtardy tekserip qaıtty. Qazir ondaǵy sekseýildiń alqaby 337 myń gektarǵa jetken. Memleket basshysynyń tapsyrmasy boıynsha biz sekseýil egýdiń keshendi baǵdarlamasyn ázirlep jatyrmyz. 2021-2030 jyldary 1,1 mln ga jerge sekseýil egý josparlanǵan», - dedi vedomstvo basshysy.

Maǵzum Myrzaǵalıev Almatydaǵy Sulpak dúkeniniń 11 aǵashty zańsyz kesýi zańnamanyń ózgerýine túrtki bolǵanyn eske saldy.

«Zańnamaǵa aıyppuldardy ulǵaıtý jáne buzýshylarǵa sanktsııalardy qatańdatý bóliginde ózgerister men tolyqtyrýlar engizildi. Osylaısha, Qyzyl kitapqa engizilgen árbir zańsyz kesilgen aǵash úshin zııandy óteý mólsheri 6-dan 1000 AEK-ke deıin ulǵaıtyldy. Budan basqa, ákimshilik jáne Qylmystyq kodeksterge orman qorynda jáne qalalar men eldimekender sheginde aǵashtardy jáne butalardy zańsyz keskeni, joıǵany jáne zaqymdaǵany úshin quqyq buzýshylarǵa aıyppuldardy ulǵaıtý jáne sanktsııalardy qataıtý bóliginde ózgerister engizildi», - degen mınıstr «Ósimdikter álemi týraly» Zań jobasy ázirlengenin, qazir ol qujattyń Májilistiń qaraýynda jatqanyn atap ótti.


Joǵary qaraı