Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Aral mańynda elsiz dalada adasqan ańshy úsh kúnnen soń tabyldy

2020 jyldyń 30 qazan 2020 12:22

ARAL. QazAqparat - Qyzylordada úsh kún buryn joǵalǵan 46 jastaǵy ańshy jigit aman-esen tabyldy, dep habarlaıdy QazAqparat tilshisi.

Budan buryn habarlaǵanymyzdaı, 27 qazan kúni Aral aýdanyna qarasty Qaratereń eldi mekeninde úsh adamnan turatyn ańshylar toby qus atýǵa shyqqan. Birshama ýaqyttan keıin Aqtóbe oblysynda turatyn 46 jastaǵy azamat joǵalyp ketken. Dostary ony óz betinshe izdeýge tyrysqanymen, nátıje shyqpaǵan. Kelesi kúni de er adamdy tabý múmkin bolmaǵan. Al 29 qazanda izdeý jumystaryna Qyzylorda oblysy Órt sóndirý qyzmetiniń jedel-qutqarý jasaǵynan, jergilikti polıtsııadan jáne aýdan ákimdiginen mamandar jumyldyryldy. Degenmen ol óz nátıjesin bergen joq.

Bul shara búgin de jalǵasty. Órt sóndirý qyzmetiniń jedel-qutqarý jasaǵy «Kókaral» plotınasynan 30 shaqyrym ári qaraı izdeý sharalaryn ańshylar tobymen qolǵa aldy.

«Nátıjesinde saǵat 8.45-te joǵalǵan azamattyń tabylǵany týraly habar tústi. Ony ańshylar taýyp alyp, qutqarýshylarǵa habar berdi. Ol ańshylar turaǵynan 8 shaqyrymǵa uzap ketken. Oqıǵa ornyna jedel jetken qutqarýshylar joldan adasqan ańshyǵa alǵashqy medıtsınalyq jáne psıhologııalyq kómek kórsetti», - dep málim etti oblystyq Tótenshe jaǵdaılar departamenti órt sóndirý jáne avarııalyq-qutqarý jumysy qyzmetinen.


Avtor Ádiljan Úmbet
Basty sózder: Oqıǵa, Qyzylorda oblysy,
Joǵary qaraı