Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aral aýdanynda qysqa jem-shóp daıyndaý qarqyndy júrýde

2021 jyldyń 6 qazan 2021 21:50

QYZYLORDA. QazAqparat - Qyzylorda oblysy Aral aýdanynda bıyl kezdesken qýańshylyq túıitkilderin sheshý, malǵa qajetti jem-shóp daıyndaý máselesine óz deńgeıinde mán berilip otyr, dep habarlaıdy QazAqparat tilshisi.

Oblys ákimi Gúlshara Ábdiqalyqova Aral aýdanyna is-sapar barysynda birqatar sharýa qojalyǵy ıelerimen kezdesti.

Aldymen oblys ákimi Aralqum aýyldyq okrýginde sharýa qojalyqtarynyń qysqy mal azyǵyn daıyndaý máselelerin saralady. Aýdan ákimi Serik Sermaǵambetov óńirdegi qýańshylyqty eńserý baǵytyndaǵy atqarylǵan jumystardy tizbelep, qazir bul baǵytta atqarylyp jatqan ahýaldy baıandady.

Búginde aýdan boıynsha 114,1 myń mal qysqa túsetini anyqtaldy. Oǵan 184,6 myń tonna shóp jáne 37,6 myń tonna jem qajettigi naqtylandy.

«Aýdanǵa syrttan 79007 tonna shóp tasymaldanady dep eseptelgen edi. Al ótken jyldan qalǵan shóp kólemi 4512 tonnany quraıdy. Al aýdan aýmaǵynan orylǵan shóp kólemi - 41098 tonna. Qazir aýdanǵa qajetti 184640 tonnanyń 124617 tonnasy qamtamasyz etildi. Elimizdiń soltústik oblystarynan qysqy mal azyǵyn satyp alý maqsatynda «Azyq-túlik kelisim shart» UK» AQ arqyly jeńildetilgen baǵada jem satyp alýǵa tapsyrys berilip, qazirgi tańda operatorlar anyqtaldy. Odan bólek, kórshiles Aqtóbe oblysynyń Yrǵyz aýdanynyń alqaptarynan shóp qoryn jasaqtaý jónindegi memorandým jasaldy», - dedi aýdan ákimi.




Bıyl oblys ákimdiginiń yqpalymen taýaróndirýshilerdiń mal azyǵyna jumsaǵan shyǵyndaryn ishinara sýbsıdııalaýǵa respýblıkalyq bıýdjettiń rezervinen 1,7 mıllıard teńge qarjy bólindi. Bul jem-shópke bólingen qarajat ıgerilýde. Qýańshylyqqa baılanysty Bolat Ótemuratov qory Aral aýdanyna 263 mıllıon teńge kómek kórsetken bolatyn. Bólingen qarajat malǵa arnalǵan jem-shóp, mal azyǵyn daıyndaýǵa arnalǵan aýyl sharýashylyq tehnıkasyn satyp alýǵa jumsaldy. Sonymen qatar, bólingen qarajatqa Aspaı sý aǵytqysy iske qosyldy.




Aımaq basshysy aýdan ákimi men sharýalarǵa mal azyǵyn daıyndaýdy ýaqytyly júrgizip, birlese jumys isteýge shaqyrdy. Máseleni turaqty baqylaýǵa alýdy mindettedi.

Aımaq basshysy issapar barysynda aýdana ýmaǵynda lornalasqan Qambash kóliniń jaǵdaıymen tanysty. Aýyl aqsaldarymen kezdesip, ortaq máselelerdi talqylady.

Oblys ákimi rezervinen bólingen 250 mıllıon teńgeniń 50 mıllıon teńgege jýyǵy aýdandaǵy kanaldar men jaıylymdyq, shabyndyq jerlerdi sýlandyrýǵa jumsalǵanyn tilge tıek etti.

«Aýdanǵa qarasty Qyzyljar eldi mekenindegi «Bektaý» kanalyn qazý jumysy bastaldy. Al Amanótkel eldi mekenindegi «Burmaqulaq» ýchaskesindegi darııa arnasyna tospa salynyp, jaıylymdyq jerlerdi sýǵa bastyrý aıaqtaldy. Al Mergensaı eldi mekenindegi «Úsh shoqy» mal jaıylymdyq jerinde sý uńǵymasyn qazý iske asty. Qazirgi ýaqytta Qosaman, Aqbasty eldi mekenderinde sý uńǵymalaryn jáne Qýly, Diń arnalaryn qazý bastaldy. Búgingi kúni darııanyń sýy kóterilip, «Qambash», Aqshataý kólder júıesine mol kólemde sý túsýde. Bul jumystardyń tolyq aıaqtalýy meniń tikeleı baqylaýymda bolady», - dedi oblys ákimi.

Aýdannyń ardagerleri qýańshylyq kezeńinde shuǵyl sheshim qabyldaý nátıjesinde mal shyǵyny toqtaǵanyn tilge tıek etti. Nátıjesinde qysqy mal azyǵyn jasaqtaý jumystary jolǵa qoıyldy. Ardagerler kólder júıesiniń jaǵdaıy qalypqa kele bastaǵanyn aıtyp, aımaq basshysyna rızashylyǵyn bildirdi.

Sondaı-aq, Qyzylorda oblysyn gazdandyrý jumysy qarqyndy júrgizilýde.


Joǵary qaraı