Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aral aýdanynda qýańshylyqqa baılanysty tótenshe jaǵdaı jarııalanýy múmkin

2021 jyldyń 17 maýsym 2021 18:54

QYZYLORDA. QazAqparat - Qyzylorda oblysy Aral aýdanynda qýańshylyqqa baılanysty tótenshe jaǵdaı jarııalaýǵa qatysty qujattar ázirlenýde. Qazir tek topyraqtyń quramyn anyqtaý qaldy, dep habarlaıdy QazAqparat tilshisi.

Búginde ulttyq saraptama ortalyǵy zertteý jumystaryn júrgizýde. Qys-kóktem mezgilderinde qar men jaýyn-shashyn mólsheriniń az bolýyna baılanysty Aral aýdanynda qýańshylyq jaǵdaı tirkeldi.

Mal sany men azyǵynyń balansyn ustap turý baǵytynda jumys istelip jatyr. Aýyl turǵyndary, eriktiler jáne aýdandyq tótenshe jaǵdaılar bóliminiń qyzmetkerleri tarapynan kezekshilik uıymdastyrylǵan. Qazir maldyń qyrylýy toqtady.

Eske salsaq, budan buryn Aral aýdanynda qýańshylyqtan 481 mal qyrylǵanyn habarlaǵan edik. https://lenta.inform.kz/qz/kyzylorda-oblysynyn-aral-audanynda-kuanshylyktan-481-mal-shygynga-ushyrady_a3796333

«Shóptiń shyǵymdylyǵyna qatysty aýdandy úsh sanatqa bóldik. ıAǵnı, qyzyl, jasyl, sary. Qyzyl aımaqqa 13 eldi mekendi jatqyzdyq. Óıtkeni, jaıylymdyq jerleri 90 paıyzǵa qurǵap qalǵan. Al sary aımaqtaǵy eldi mekenderde 30-40 paıyzdy quraıtyn shóp bar. Jasyl túspen belgilengen eldi mekenderde shóptiń shyǵymdylyǵy jaqsy. Qazir ár aımaqtan 500 gramm topyraq alynyp, saraptamaǵa ótkizdik. Shóptiń shyǵýyna áser etetin mıneraldardyń topyraqtyń quramynda bar, joǵy anyqtalady. Qorytyndysyn tótenshe jaǵdaılar departamentine ótkizip, kelisim alamyz. Sodan keıin baryp tótenshe jaǵdaı jarııalaımyz. Bul másele kúndelikti baqylaýda», - dedi Aral aýdany ákiminiń orynbasary Erkin Ábishev.


Avtor Ádiljan Úmbet
Basty sózder: Qyzylorda oblysy, Ekologııa,
Joǵary qaraı