Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Apta sońyna deıin dári-dármekke qatysty dúrbeleńdi toqtatamyz - Adaldyq alańy

2020 jyldyń 7 shilde 2020 12:23

NUR-SULTAN. QazAqparat – El óńirlerinde qurylǵan jumys toptary dári-dármek baǵasyna monıtorıng júrgizedi, dep habarlaıdy QazAqparat tilshisi.

«Árqaısysymyzda dárihanadan dári-dármek taba almaý, qymbattatyp satý, tanys arqyly satyp alý jaǵdaıyna tap bolǵan týys, tanysymyz bar. Keıbir azamat dári-dármekterdi aldyn ala satyp alyp, qymbattatyp satýda. Búginnen bastap osyndaı faktilerdi anyqtap, monıtorıng júrgizemiz. Jumys tobynda Densaýlyq saqtaý basqarmalary, Básekelestikti qorǵaý jáne damytý komıtetiniń departamentteri bolady» - dedi «Adaldyq alańy» respýblıkalyq jobalyq keńseniń jetekshisi Tólegen Baıǵulov tikeleı efır barysynda.

Onyń aıtýynsha, jumys toby dári-dármek baǵasyna monıtorıng júrgizedi.

«Dárini qymbatqa qaı dárihanadan, qandaı baǵaǵa alǵany týraly foto jáne vıdeo túrindegi aqparatty WhatsApp arqyly bizge jiberýge bolady. Ár óńirde «Adaldyq alańy« bar. Kelgen aqparat qaı óńirge qatysty bolsa, sol óńirdegi jemqorlyqqa qarsy qyzmetke jiberip, tekserý jumystaryn júrgizip, sebebin anyqtaımyz. Osy apta sońyna deıin bárin qalypqa keltiremiz, sáıkesinshe dúrbeleń de sonymen toqtaıdy. Jumysty búgin bastaımyz», - deıdi ol.

Atap ótilgendeı, dári-dármekke baılanysty zań buzýshylyqty habarlaǵan adamnyń áreketi zańdy bolyp sanalady. Al anyqtalǵan faktilermen quqyq qorǵaý organdary, básekelestikti qorǵaý departamenti aınalysady. Jumys toby bolsa, osyndaı jaǵdaı ekinshi ret qaıtalanbas úshin áreket etip, zań buzýshylyqty tirkeıdi.

«Oqıǵa ornynan jiberilgen vıdeony qyzmettik maqsatta paıdalanamyz, ony esh jerde jarııalamaımyz. Qaı jerde qandaı dári jetkiliksiz, nege ol ýaqytyly barmaı jatqany, onyń baǵasy týraly «SK-Farmatsııadan« bilip otyramyz. Jumysty búgin bastadyq, polıtsııa qyzmetkerleri aýrýhana, dárihanalardaǵy birtalaı zań buzýshylyqty anyqtady», - deıdi ol.

Eske salaıyq, QR Prezıdenti dári-dármek baǵasyn negizsiz qymbattatý faktilerin anyqtaýdy tapsyrǵan bolatyn.


Joǵary qaraı