Aýa raıy
Astana 9 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

«Antyna adal dárigerlerdiń arqasynda bul kúnder de artta qaldy»: Qazaly turǵyny dárigerlerge alǵys aıtty

2020 jyldyń 9 shilde 2020 15:40

QAZALY. QazAqparat – Qyzylorda oblysy Qazaly aýdanynyń turǵyny Jeńisbek Sovetuly as-sadaqa, toı-tomalaqty keıinge qaldyryp, shaqyrǵan jerge barýdan bas tartýǵa úndedi. Ol «ekijaqty pnevmonııadan» aıyǵyp shyǵýyna kómektesken dárigerlerge alǵys bildirdi.

***

Men úshin maýsym aıynyń aıaǵy men shilde aıynyń bas jaǵy óte aýyr boldy. Ystyqqa shydamaı, salqyndatqyshtyń astynda jata bergen edim. Nátıjesi belgili, «ekijaqty pnevmonııa» degen dıagnozben aýrýhanadan bir-aq shyqtym.
Qyzýym túspeıdi. Basymdy kótere almaımyn. Úsh kún terapııa bóliminde em alǵanmen jaǵdaı durystalmady. Meniń aýyr halimdi kórgen dáriger Shakızada Qadirova dereý jansaqtaý bólimine jatqyzýǵa sheshim qabyldady.
Jansaqtaý bóliminde reanımotolog Asylbek Jıenbaev bastaǵan dárigerler men meıirbıkeler 7-8 kúnniń ishinde aıaqqa turýyma kómektesti. Áıtse de, mundaǵy kúnder ómir boıy esten ketpeıtin shyǵar. Óte qıyn boldy. Murnyńnan kıslorod berip jatqannyń ózinde aýa jetpeıdi. Onyń ústine álsizdik taǵy bar. Antyna adal dárigerlerdiń arqasynda bul kúnder de artta qaldy.
Qazir densaýlyǵym jaqsaryp, betim beri qarady. Sol úshin de Qazaly aýdanaralyq aýrýhanasy bas dárigeriniń mindetin atqarýshy Baqyt Álisheva bastaǵan ujymǵa, Shakızada Qadirova, Asylbek Jıenbaev, Bahyt Amanova, Aıan Qazıuly syndy abzal jandarǵa alǵysym sheksiz.
Jerlesterime qazir reti kelse, kóshege kóp shyqpaı, úıde otyrǵan jón degim keledi. Ózimiz úshin, ata-ana, baýyr, týǵan-týystar úshin qaýipsizdik talaptaryn saqtaıyq.
As-sadaqa, toı-tomalaqty keıinge qaldyryp, shaqyrǵan jerge barýdan bas tartyńyzdar.
Bul – ýaqytsha ǵana jaǵdaı. Tártipke baǵynsaq, bul qıyndyqtyń aldyn alýǵa bolady.

Jeńisbek SOVETULY, Qazaly aýdany


Basty sózder: Medıtsına, Qyzylorda oblysy,
Joǵary qaraı