Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«AntikorLive» — parasattylyq ıdeologııasyn túsindiretin onlaın-alań

2021 jyldyń 21 qańtar 2021 12:08

NUR-SULTAN. QazAqparat – «AntikorLive» — parasattylyq ıdeologııasyn túsindirýge jáne qoǵamda sybaılas jemqorlyqqa qarsy mádenıetti qalyptastyrýǵa arnalǵan onlaın-alań. Bul týraly QR Sybaılas jemqorlyqqa qarsy is-qımyl agenttigi Seriktestik departamenti dırektorynyń orynbasary Perızat Sádýaqas aıtty, dep habarlaıdy QazAqparat tilshisi.

«Agenttiktiń «AntikorLive» medıa-jobasy parasattylyq ıdeologııasyn túsindirýge jáne qoǵamda sybaılas jemqorlyqqa qarsy mádenıetti qalyptastyrýǵa baǵyttalǵan. Budan bólek, joba aıasynda sybaılas jemqorlyqqa qarsy is-qımyl salasyndaǵy memleket saıasatynyń túrli aspektileri únemi jarııalanyp otyrady», - dedi Perızat Sádýaqas agenttiktiń Facebook alańynda ótken brıfıng barysynda.

Onyń aıtýynsha, «AntikorLive» jobasynyń aýdıtorııasyn tanymal áleýmettik jeliler men vıdeohostıngterdiń oqyrmandary quraıdy. «Tikeleı efırler» belgilengen ýaqytta ortalyq jáne jergilikti atqarýshy organdar, kvazımemlekettik sektor ókilderiniń, sondaı-aq qoǵamdyq pikir kóshbasshylarynyń qatysýymen suhbat, blıts, dáris formatynda ótedi. Jobanyń efırleri BAQ-ta jarııalanady, efır barysynda spıkerler azamattardyń suraqtaryna óz jaýaptaryn beredi. Keıbir taqyryptar qoǵamdyq rezonansqa ıe bolady, osylaısha memlekettik organdardyń nazaryn problemalyq máselelerge aýdarady.

«Jalpy, 2020 jyly «AntikorLive« jobasy aıasynda 150 spıkerdiń qatysýymen 139 tikeleı efır ótti. Óńirler 4 500-den astam spıkerdiń qatysýymen 5,5 myń tikeleı efır ótkizdi. Jalpy qaralym sany shamamen 4 mıllıondy qurady. Byltyr agenttik alańyndaǵy «AntikorLive» jobasyna Prezıdenttiń keńesshileri Baǵdat Mýsın, Oljas Qudaıbergenov, QR Tuńǵysh Prezıdenti Qorynyń Atqarýshy Dırektorynyń orynbasary Igor Rogov, Bala quqyǵy jónindegi ýákil Arýjan Saın, tanymal rejısser Nurtas Adambaı, blogerler Ǵalym Baıtýk, Aıda Jeksen, QR Parlamenti Májilisiniń depýtattary Ersultan Bekturganov, Pavel Kazantsev, Baqytbek Smaǵul, ortalyq memlekettik jáne jergilikti atqarýshy organdardyń basshylary, sonymen qosa basqa da qoǵam ókilderi qatysty» - dedi spıker.

Jalpy, Perızat Sádýaqastyń dereginshe, eseptik kezeńde agenttik jergilikti atqarýshy organdarmen jáne qoǵamdyq uıymdarmen birlesip sybaılas jemqorlyqqa qarsy taqyrypqa arnalǵan 3,5 myńnan astam bılbordtar men bannerler, 1 100-den astam beınerolık, 400-ge jýyq aýdıorolık daıyndady.


Joǵary qaraı