Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Antikor ortalygy» –ashyqtyq men aıqyndyqtyń kórsetkishi

2021 jyldyń 21 qańtar 2021 12:14

NUR-SULTAN. QazAqparat – «Antikor ortalygy» servıstik ortalyǵy – Sybaılas jemqorlyqqa qarsy is-qımyl agenttigi qyzmetiniń ashyqtyǵy men aıqyndyǵynyń kórsetkishi. Bul týraly QR Sybaılas jemqorlyqqa qarsy is-qımyl agenttigi Seriktestik departamenti dırektorynyń orynbasary Perızat Sádýaqas aıtty, dep habarlaıdy QazAqparat tilshisi.

«Sybaılas jemqorlyqqa qarsy vedomstvo ózara is-qımyl men yntymaqtastyq úshin qolaıly alańdar jasaı otyryp, óz jumysyna azamattyq qatysýdy keńeıtedi. Onyń biri – elimizdiń barlyq óńirinde jumys isteıtin «Antikor ortalygy» servıstik ortalyqtary boldy», - dedi Perızat Sádýaqas agenttiktiń Facebook alańynda ótken brıfıng barysynda.

Onyń aıtýynsha, ortalyqtar ashylǵan sátten bastap 3 000-nan astam túrli is-sharalar, kezdesýler, tusaýkeserler, brıfıngter jáne basqa da is-sharalar ótkizildi. Olardyń aıasynda myńdaǵan qazaqstandyq óz problemalaryn aıtyp, mamandardyń jaýaptaryn aldy.

«Agenttik jumystyń zamanaýı tehnologııalyq formattaryn azamattardy qabyldaý sekildi dástúrli formatpen sátti úılestirgen. Olar kúrdeli jáne erekshe jaǵdaılardyń mánin tereńirek túsinýge, durys sheshim qabyldaýǵa múmkindik beredi. Aýmaqtyq departamentterdiń birinshi basshylary ótken jyly «Antikor ortalygy»-da 600-den astam azamatty qabyldady. Osy maqsatta agenttiktiń saıtynda «suraq-jaýap» arnaıy servısi jumys isteıdi, onda árbir suraý óńdelip, tıisti deńgeıde den qoıylady. Keri baılanystyń taǵy bir pármendi tetigi – «Ashyq dıalog» elektrondyq úkimet portaly. Osy platformada agenttik aı saıyn ınternet-konferentsııa ótkizedi», - dedi ol.

Sonymen qatar ol Sybaılas jemqorlyqqa qarsy kúreske jurtshylyq ókilderi men sarapshylardy tartý jónindegi mindetti tabysty sheshetin «Adaldyq alańy», «Protecting Business and Investments», «Adal komek», «Ashyq bıýdjet» sybaılas jemqorlyqqa qarsy is-qımyl jobalarynyń jáne arnaıy monıtorıng toptary men aqparattyq-aǵartý shtabtarynyń jumysyn erekshe atap ótti.


Joǵary qaraı