Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Antıkor basshysy AShM jumysyndaǵy basty kemshilikti atady

2021 jyldyń 9 shilde 2021 12:00

NUR-SULTAN. QazAqparat – Aýyl sharýashylyǵy boıynsha ortalyqta qabyldanatyn sheshimder halyqtyń qajettiligine emes, jumys kórsetkishine baǵyttalǵan. Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov vedomstvonyń alqa májilisinde osyndaı pikir bildirdi, dep habarlaıdy QazAqparat.

Óz baıandamasynda Marat Ahmetjanov agenttik sybaılas jemqorlyq táýekelderine taldaý júrgizý formatyn ózgertetinin atady.

«Biz keshendi monıtorıngke kóshemiz. ıAǵnı, biz jeke organdy emes, tutas strategııalyq salany tańdap, egjeı–tegjeıli, tereń taldaý júrgizemiz», - dedi ol.

Aıtýynsha, Memleket basshysynyń tapsyrmasymen pılottyq joba retinde agroónerkásiptik keshendegi sýbsıdııalaý salasyna egjeı-tegjeıli tekserý bastalyp ketken kórinedi. Aýyl sharýashylyǵyn qoldaýǵa sońǵy 5 jylda 1 trln teńge bólingen.

«Jyl saıyn memleket aýyl sharýashylyǵyn damytýǵa, jańa jumys oryndaryn qurýǵa jáne aýyl halqynyń ál-aýqatyn jaqsartýǵa aıtarlyqtaı qarajat bóledi. Degenmen, jazda kókónis baǵasynyń ósýi halyqtyń narazylyǵyn týdyrdy. Ortalyqta qabyldanatyn sheshimder halyqtyń qajettiligine emes, jumys kórsetkishine baǵyttalǵan», - dedi agenttik tóraǵasy.

Marat Ahmetjanov sýbsıdııa salasynda halyqty tolǵandyratyn másele kóp ekenin aıtady.

«Bul keshendi taldaýdyń basty maqsaty – sýbsıdııalar salasyndaǵy problemalardy anyqtaý. Dotatsııalar halyqqa qanshalyqty jetip jatyr? Olardy alý ashyq pa? Ashyq bolmasa, oǵan ne kedergi? Qandaı sybaılas jemqorlyq táýekelderi bar? Kemshilikter anyqtalǵannan keıin sarapshylar men tıisti mınıstrlikterdi tarta otyryp, olardy sheshý joldary ázirlenedi», – dedi Sybaılas jemqorlyqqa qarsy is-qımyl agenttiginiń basshysy.

Marat Ahmetjanov agroónerkásip kesheninen keıin kezek avtojol jáne kóliktik baqylaý salasyna tıetinin eskertti.


Joǵary qaraı