Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Ańsaǵan sábı»: Jyl basynan beri 526 otbasyǵa kómek kórsetildi

2021 jyldyń 12 mamyr 2021 17:53

NUR-SULTAN. QazAqparat – Jyl aıaǵyna deıin 7000 otbasy «Ańsaǵan sábı» baǵdarlamasyna qatysady, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide Áleýmettik medıtsınalyq saqtandyrý qorynyń basqarma tóraǵasy Bolat Tókejanov Prezıdent Qasym-Jomart Toqaevtyń tapsyrmasymen qolǵa alynǵan «Ańsaǵan sábı» baǵdarlamasynyń qalaı iske asyp jatqanyn baıandady.

«2018 jyly kepildendirilgen tegin medıtsınalyq kómek aıasynda 902 EKO tsıkli jasaldy. 2019 jyly da dál osyndaı mólsher qamtyldy. Prezıdenttiń tapsyrmasy boıynsha «Ańsaǵan sábı» baǵdarlamasyn iske asyrý bastaldy. Bul joba reprodýktıvtik tehnologııalardyń kómegimen otbasylyq jáne demografııalyq problemalardy sheshýge baǵyttalǵan. Nátıjesinde bıyl EKO protsedýrasyn ótkizý kvotasynyń sany 2020 jylmen salystyrǵanda 7 ese ósti. Jyl aıaǵynda 6,2 mlrd teńgege 7000 protsedýra ótkizý josparlanǵan. Al 2020 jyly 960 mln teńgege 1105 qyzmet kórsetilgen bolatyn», - deıdi qor basshysy.

Onyń aıtýynsha, jyl basynan beri ekstrakorporaldy uryqtandyrýdyń 526 protsedýrasy jasalǵan.

«2020 jyldyń birinshi toqsanymen salystyratyn bolsaq, byltyr osy kezeńde tek 59 EKO rásimin ótkizgen edik. Jyl sońyna deıin medıtsınalyq uıymdar jospardy tolyq oryndaıdy. Tıisinshe demografııalyq kórsetkishter artady dep boljap otyrmyz», - dep atap ótti Bolat Tókejanov.


Joǵary qaraı