Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Anglııada qarsylasyna qarap ádeıi jótelgen fýtbolshy alańnan qýylady

2020 jyldyń 3 tamyz 2020 18:43

NUR-SULTAN. QazAqparat – Fýtboldan Anglııa chempıonatynyń tóreshileri qarsylasynyń nemese matchtyń resmı tulǵasyna qarap ádeıi jótelgen fýtbolshylardy alańnan qýady, dep habarlaıdy QazAqparat The Times basylymyna silteme jasap.

Basylymnyń málimeti boıynsha, Anglııa fýtbol assotsıatsııasy koronavırýsqa baılanysty shekteý engizilgen kezde match uıymdastyrýshylary men laýazymdy tulǵalarǵa arnalǵan nusqaýlyǵy bar qujat daıyndady.

Tarmaqtardyń birinde qarsylasqa nemese resmı tulǵaǵa ádeıi jótelgeni úshin oıynshylar alańnan qýylatyny jazylǵan. Biraq tóreshiler gol soqqanyna qýanǵan oıynshylar arasyndaǵy áleýmettik qashyqtyqtyń saqtalýyna jaýap bermeıdi jáne alańda túkirgeni úshin jazalamaıdy.

Fýtboldan Anglııa chempıonatynyń jańa maýsymy 12 qyrkúıekte bastalady.


Basty sózder: Sport, Álem,
Joǵary qaraı