Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Andreı Golýbev Rım masters týrnıriniń fınalyna shyǵa almaı qaldy

2022 jyldyń 14 mamyr 2022 23:09

NUR-SULTAN. QazAqparat – Qazaqstannyń juptyq synda birinshi, álemniń 25-raketkasy Andreı Golýbev Rım masters týrnıriniń fınalyna shyǵa almady, dep habarlaıdy QazAqparat tilshisi.

Qazaqstandyq tennısshi argentınalyq Maksımo Gonsalespen birge jartylaı fınalda amerıkalyq Djon Izner – taǵy bir argentınalyq Dıego Shvartsmanmen kúsh synasty.

Birinshi partııada amerıkalyq-argentınalyq jup bir breıkpen basymdylyq tanytty – 6:4.

Ekinshisinde A.Golýbev pen M.Gonsales dál sondaı eseppen ese qaıyrdy – 6:4.

Sýper taı-breıkte D.Izner men D.Shvartsman jeńisti julyp aldy – 11:9.

Osylaısha, A.Golýbev masters dodalarynda ekinshi ret jartylaı fınalǵa deıin jetti.

Amerıkalyq-argentınalyq jup fınalda osy jarystyń 3-raketkalary, horvatııalyqtar Nıkola Mektıch – Mate Pavıch nemese ıtalııalyqtar Sımone Bolellı – Fabıo Fonını juptarynyń qaı jeńgenimen bas júldeni sarapqa salady.

Eske sala keteıik, budan buryn Andreı Golýbevtiń Rım masters týrnıriniń jartylaı fınalyna shyqqanyn, qazaqstandyq tennısshiniń Marokkodaǵy jarysty sátti bastaǵanyn jazǵan bolatynbyz.

Sondaı-aq qazaqstandyq jas tennısshiler halyqaralyq týrnırlerde chempıon atandy.


Avtor Eljan Eraly
Basty sózder: Sport, Qoǵam,
Joǵary qaraı