Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Anasy jalǵyz qaldyrǵan: BQO-da sábı terezeden qulap kete jazdady

2021 jyldyń 26 qarasha 2021 14:01

ORAL. QazAqparat – Oralda 5 jasar bala tórtinshi qabattaǵy terezeden qulap kete jazdady, dep habarlaıdy QazAqparat tilshisi.

BQO Polıtsııa departamentiniń baspasóz qyzmeti málim etkenindeı, oqıǵa 25 qarasha kúni Ábýbákir Kerderi kóshesi, 125 mekenjaıynda boldy.

Shamamen saǵat 13.00-de 102 telefonyna tórtinshi qabatta ashyq turǵan terezeniń jaqtaýynda balanyń turǵany jóninde habar túsken.

Sol boıda osy mańda júrgen patrýldik polıtsııa batalonynyń ekıpajy men ýchaskelik ınspektor jiberildi.

Polıtseıler balany shoshytyp almas úshin jaılap esik arqyly sóılesken. Sosyn balanyń terezeden túsip, esikti ashýyna qol jetkizgen. Páterde odan basqa eshkim bolmaǵan.

Qaýip seıilgennen keıin polıtsııa qyzmetkerleri balanyń anasyn izdep tapty. 23 jastaǵy anasynyń sózine qaraǵanda, bala túske deıin mektepke deıingi mekemege barady, ózi jumysta bolǵan soń túsqaıta úıde jalǵyz qalady eken. Áıelmen túsinik jumystary júrgizildi.


Joǵary qaraı