Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Amerıkalyq otbasy asyrap alǵan qazaq qyzy týǵan anasyn izdeýde

2020 jyldyń 12 qarasha 2020 11:45

NUR-SULTAN. QazAqparat - Amerıkalyq otbasy asyrap alǵan 18 jasar Sara Naıt (Sarah Knight) qazaqsha aty-jóni Ásem Asylbekova óziniń bıologııalyq anasyn izdep jatyr, dep habarlaıdy QazAqparat.

«Barshańyzǵa sálem! Meniń esimim Sara jáne men ózimniń bıologııalyq anamdy tapqym keledi. Meni Esik qalasyndaǵy balalar úıinen asyrap alǵan. Meniń ákemniń kim ekeni belgisiz, týý týraly kýáligimde de jazylmaǵan. Men 2002 jyly dúnıege kelip, 2003 jyly meni asyrap aldy. Ókinishke qaraı, shyqqan otbasym týraly az ǵana maǵlumat bilemin. Bıologııalyq anamnyń aty-jóni Saıda Asylbekova. Meniń týý týraly kýáligimde anam 1980 jyly dúnıege kelgen dep jazylǵan. Meniń Saraǵa deıingi esimim Ásem Asylbekova. Anama qatysty qandaı da bir aqparat bilseńizder maǵan habarlasýlaryńyzdy suraımyn. Bıologııalyq anammen kezdesýdi asyǵa kútemin», - dep jazdy Sara Naıt Facebook-tegi Kazakh American Association (Qazaqstandyq-amerıkalyq qaýymdastyq) pablıginde.

Sondaı-aq, boıjetken óz jazbasynda tanyp qalýy múmkin degen nıetpen Farıda Asylbekova, Aıdar Asylbekov jáne Saıda Asylbekova esimdi azamattarǵa suraý salady.





Avtor Álı Ibraev
Basty sózder: Qoǵam, Internet, AQSh,
Joǵary qaraı