Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Amandyq Batalov kúrish alqabyn azaıtýdan týyndaıtyn problemany atady

2021 jyldyń 9 qazan 2021 01:12

TALDYQORǴAN. QazAqparat - Almaty oblysynda ırrıgatsııalyq júıelerdi qalpyna keltirý jumystaryn damytý barysynda Balqash aýdanynyń sýarý júıelerin jańǵyrtý jeke joba retinde qarastyrylady, dep habarlaıdy QazAqparat tilshisi.

Aýdandaǵy kúrish alqaptaryn sýaratyn kanaldar tazartylyp, bul daqyldy ósiretin sharýashylyqtarǵa qoldaý kórsetiledi. Іle ózeniniń sýyn taratatyn bas kanaldy kúrdeli jóndeý máselesi kún tártibine qoıylady. Bul týraly búgin Balqash aýdanyna jumys saparymen barǵan Almaty oblysynyń ákimi Amandyq Batalov aıtty.




«Kúrish sýdy kóp qajet etedi. Onyń alqabyn azaıtqanda jerdiń sory shyǵyp, oǵan eshteńe óspeı qalýy da múmkin. Sondyqtan bul iske júıeli jospar jasap baryp kirisý kerek. Ázirge kúrishtiń alqaptaryn saqtap qalamyz. Ol úshin Balqash aýdanynyń sýarý júıelerin jańǵyrtýdy jeke joba retinde qarastyramyz. Kúrish alqaptaryn sýaratyn kanaldardy tazartýdy qolǵa alamyz. Buǵan deıin biz melıoratıvtik brıgada quryp, Qaratal ózeniniń arnasyn arshyp, onyń Balqashqa erkin quıylýyna jaǵdaı jasap, eleýli jumystar atqarǵanbyz. Sondyqtan bul jaǵynan bizdiń tájirıbemiz bar deýge bolady. Іle ózeniniń sýyn taratatyn bas kanaldy kúrdeli jóndeý máselesi kún tártibine qoıylady. Buǵan deıin qajetti tehnıkalar satyp áperip, servıstik daıyndaý ortalyqtaryn qurdyq. Osyndaı qoldaý sharalary sharýashylyqtarǵa budan bylaı da kórsetiletin bolady», - dedi A. Batalov.








Joǵary qaraı