Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Altyn saqa: Elordada júlde qory 1 mln teńgeni quraıtyn onlaın olımpıada ótti

2020 jyldyń 28 qarasha 2020 17:00

NUR-SULTAN. QazAqparat – Elorda bilim mekemeleriniń 5-6 synyp oqýshylary qatysqan dástúrli «Altyn saqa» olımpıadasy 27-28 qarasha kúnderi onlaın formatta ótti, dep habarlaıdy QazAqparat.

«Zerdeli» aqyl-oıdy damytý ortalyǵy jáne «Astana daryny» óńirlik ǵylymı-praktıkalyq ortalyǵy matematıka páninen bolatyn qalalyq olımpıadany bıyl VI márte uıymdastyryp otyr.




Astana Hub kesheninde zamanaýı jabdyqtalǵan stýdııada onlaın ótken olımpıadaǵa astana mektepterinen iriktelgen 448 oqýshy qatysty.

«Bul olımpıadanyń maqsaty – Nur-Sultan qalasyndaǵy barlyq mektep oqýshylary ishinen matematıka pánine beıimi bar balalardy anyqtap, ol balalarmen ary qaraı keshendi jumys jasaý, jeńimpazdardy jyl boıy oqý jattyqtyrý jıyndaryna shaqyryp otyrý. Balalardy qaladaǵy eń úzdik matematık muǵalimderdiń master klasyna qatystyryp, sabaq alýyn uıymdastyrý arqyly olardyń deńgeıin jetildiremiz», -deıdi «Astana daryny» DDjPS ortalyǵynyń dırektory Ǵajdembek Tursynov.




«Zerdeli» aqyl-oıdy damytý ortalyǵynyń dırektory Yrysbek Máýittiń aıtýynsha, bıylǵy olımpıada pandemııaǵa baılanysty alǵash ret onlaın formatta ótip otyr.

«Bul olımpıadanyń tehnıkalyq múmkindigi ózgeshe deýge bolady. Sheteldik eń ozyq ınnovatsııalyq tehnologııamen jabdyqtalǵan stýdııadada ótti. Tikeleı translıatsııanyń sapasy, baılanys múmkindigi, ǵalamtor jyldamdyǵy da joǵary deńgeıde. Olımpıadanyń akademııalyq tazalyǵyna basa mán berilip otyr. Ár suraqqa berilgen ýaqyt – 3 mınýt. Suraqtardaǵy 6 jaýaptyń 1, 2, 3 jaýaby durys bolýy múmkin. Ýaqytynan keshikken jaýaptar qabyldanbaıdy. Al, iriktep alynǵan úzdikterdiń ózi arnaıy komıssııa aldynda óz jaýabyn dáleldep, synnan ótedi. Bul krıterııler qatysýshylardyń kóshirý, basqalardyń kómegine júginý yqtımaldyǵyn barynsha tómendetedi. Tehınkalyq protses pen jaýaptardy qadaǵalaý úshin ortalyǵymyzda 30-dan astam bilikti menedjer mamandar jumyldyryldy»,-deıdi Yrysbek Máýit.

Aıta keteıik, júzden júırik shyqqan júldegerlerge demeýshiler kómegimen jalpy qory 1 mıllıon teńgeni quraıtyn qarjylaı syılyq berildi.


Avtor Muhtar Qalımollauly
Basty sózder: Bilim, Nur-Sultan, Olımpıada,
Joǵary qaraı