Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Altyn Orda baýyrlas elderdiń taǵdyrynda da aıryqsha iz qaldyrǵan – Prezıdent

2021 jyldyń 28 qazan 2021 12:38

ATYRAÝ. QazAqparat – Altyn Orda tarıhyn baýyrlas elderdiń ǵalymdarymen birlesip zertteý mańyzdy. Atyraýda ótip jatqan «Ulyq ulys – Altyn Orda» atty halyqaralyq ǵylymı-praktıkalyq konferentsııanyń qatysýshylaryna joldaǵan quttyqtaý hatynda QR Prezıdenti Qasym-Jomart Toqaev osyndaı pikir bildirgen, dep habarlaıdy QazAqparat tilshisi.

«Jaıyq jaǵasyndaǵy jáne Ulytaý baýraıyndaǵy kóne eskertkishter men zamanaýı keshender týrızmdi damytýǵa tolyq múmkindik beredi. Tarıhyn túgendep, odan tarıhı taǵylym ala biletin eldiń tamyry berik bolady. Alty Orda kóptegen baýyrlas elderdiń taǵdyrynda da aıryqsha iz qaldyrǵan. Sondyqtan halyqaralyq ǵylymı qaýymdastyqtyń aldynda ortaq shejiremizdi birlese irikteý mindeti tur. Búgingi basqosýda ǵalymdarymyz tyń derekter men salmaqty oı-pikirin ortaǵa salady dep esepteımiz», - delingen Memleket basshysynyń quttyqtaý hatynda.

Aıta keteıik, Atyraý oblysynda «Ulyq ulys – Altyn Orda» atty halyqaralyq ǵylymı-praktıkalyq konferentsııa ótip jatyr.

Shara aıasynda konferentsııanyń qararyn qabyldaý josparlanǵan.


Joǵary qaraı