Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Altaıda atqa miný dene shynyqtyrý sabaǵyna engizildi - Sheteldegi qazaq tildi BAQ-qa sholý

2021 jyldyń 24 qazan 2021 11:52

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Ankarada qazaq aqyn-jazýshylarynyń kitap jármeńkesi ashyldy - TRT




Jármeńkeniń qonaq eli – Qazaqstan, qonaq jazýshy – Ádil Ahmetov. Búgin Túrkııanyń bas qalasy Ankarada Kitap jármeńkesi ashyldy. Jármeńkeniń qonaq eli – Qazaqstan, qonaq jazýshy – Ádil Ahmetov, dep málimdeıdi Túrkııa radıo televızııa portaly.

Atalǵan aqparat kóziniń keltirgen derekterine súıensek, Ankaradaǵy ATO Congresium kórme ortalyǵynda bastalǵan sharaǵa 300 -den astam iri baspalar, baspahana jáne jarnama agenttikteri qatysyp otyr. Uıymdastyrýshylar Ankara kitap jármeńkesine kelýshiler sany bıyl 350 myńnan asady dep esepteıdi.

Ankara kitap jármeńkesi 2005 jyldan beri uıymdastyrylyp keledi jáne jylyna eki ret ótedi. Italııa, Frantsııa, Iran men Reseı osy ýaqytqa deıin «Qonaq elder» retinde kórmege qatysty. 16-shy Ankara kitap jármeńkesiniń sheteldik qurmetti avtory retinde qazaq jazýshysy, doktor, professor Ádil Ahmetov qatysady.

Іs -shara aıasynda Qazaqstannyń Túrkııadaǵy Elshiligi arnaıy kitap stendin ashty. Onda qazaq aqyn -jazýshylarynyń túrik tiline aýdarylǵan shyǵarmalary qoıyldy. Jalpy 100 -den astam kitap qazaqstandyq stendte oryn alady.

Kitap kórmesinde qazaq aqyn -jazýshylarynyń túrik tiline aýdarylǵan jańa kitaptary tanystyrylady. Ásirese professor Ádil Ahmetov, jazýshy Nurǵalı Oraz, belgili jas aqyn Baýyrjan Qaraǵyzuly ózderiniń jeke kitaptaryn tanystyrady.




«Kórme aıasynda kúnine 2-3 sessııa ótedi. Ásirese 23 qazanda halyqaralyq qurmetti avtor professor Ádil Ahmetovtyń «Kolýmbııaǵa deıingi amerıkandyq: úndisterdiń Altaılyq tegi» atty kitaby tanystyrylady. A.Ahmetov kitaptaryna qoltańba qaldyrady. Belgili avtor dotsent Kenan Koch pen Aıabek Baınııazovtyń «Túrikshe-qazaqsha, qazaqsha-túrikshe sózdik» kitabyn tanystyrmaq. Qazaq jazýshysy Nurǵalı Orazdyń túrik tiline aýdarylǵan «Qazyǵurt áńgimeleri» kitabynyń tusaýkeseri bolady. Doktor, professor Orhan Soılemez, Aıabek Baınııazov jáne Shapaǵat Jalmanov túrik tiline aýdarǵan «Dombyra» kitaby da kópshilik nazaryna usynylady», dep túıindeıdi Túrkııa radıo televızııa portaly.

Baıan-Ólgeıde toǵyzqumalaqtan el birinshiligi ótedi - Kaznews




Bıyl pandemııaǵa baılanysty kóptegen sport jarysy shegerildi. Endi 2022 jyly Baıan-Ólgeılikterdi túrli sporttan zonalyq jáne el birinshiligi kútip tur.

Mońǵolııanyń Dene shynyqtyrý, sport basqarmasy basshysynyń 2021 jylǵy 29 qyrkúıektegi buıryǵy boıynsha 2022 jyly 37 sport túrinen el birinshiligi ótedi dep belgilengen.

Olardyń arasynda qazaqtyń ulttyq oıyny Toǵyzqumalaq bar. Keler jyly shilde aıynyń 7 kúni Toǵyzqumalaq oıynynan el birinshiligi Baıan-Ólgeı aımaǵynda ótpek.

Bul aqparatty osy aptada mońǵolııalyq Kaznews portaly jarııalaǵan bolatyn.

Esterińizge salsaq, 2018 jyly Baıan-Ólgeı aımaǵynda toǵyzqumalaq oıynynan Azııa chempıonaty ótken bolatyn.

Rıo-2016 Olımpıadasynyń júldegeri 3 jylǵa shettetildi - «ÓzA»




Dzıýdodan Ózbekstan ulttyq quramasynyń múshesi, Rıo -2016 Olımpıada oıyndarynyń qola júldegeri, Dıerbek Ýrozbaevtan alynǵan dopıng-testten tyıym salynǵan zat tabyldy. Nátıjede ol sporttyq jarystardan 3 jylǵa shettetildi, dep habarlady «ÓzA» memlekettik aqparat agenttigi.

«ÓzA»-nyń habarlaýynsha, Dıerbek Ýrozbaev 2021 jyldyń 6 mamyrynda maýsymaralyq kezeńde dopıngke qarsy tekserýden ótken.

«Test nátıjesine oraı sportshynyń Dúnıejúzilik dopıngke qarsy kodekstiń jáne Ózbekstannyń ulttyq dopıngke qarsy erejeleriniń 2.1-babynda kórsetilgen dopıngke qarsy erejelerdi buzǵany, ıaǵnı tyıym salynǵan «Meldonium» zatyn tutynǵany anyqtaldy. Bul preparat tyıym salynǵan zattar tizimi – «S4 Gormondar men metabolıkalyq modýlıatorlar» klasyna jatady», dep jazady ózbekstandyq BAQ.

Osy jaǵdaıǵa baılanysty Dıerbek Ýrozbaev 3 jylǵa sporttan shettetildi. Shettetý 2021 jyldyń 16 tamyzynan 2024 jyldyń 15 tamyzyna deıin jalǵasady.

Altaıda atqa miný dene shynyqtyrý sabaǵyna engizildi - «Aǵajaı-Altaı» portaly







Altaı qalasyndaǵy «Altyn qan» at sporty alańy tolyqtaı ashylýǵa daıyn. Jabyq ıppodromnyń qurylys jumystary da aıaqtalǵan.

Mektep oqýshylaryna at sporty sabaǵyn júrgizýge arnalǵan jabyq ıppodromnyń jalpy qurylys alańy shamamen 1500 sharshy metrdi quraıdy. Onyń aınalasyndaǵy stendter men qorshaýlar ornatyldy. Alańnyń árqaısysy bir mezgilde at sporty sabaǵynda 30 oqýshyǵa arnalǵan. Altaı qalasy 2019 jyly «atpen júrgen on myń jasóspirim» atty arnaıy dene shynyqtyrý synybyn ashqannan beri 8500 atqa miný sabaǵy oqytylǵan, dep habarlaıdy Qytaıdyń altxw.com aqparattyq portaly.

Aıta keteıik, Altaı aımaǵy – dástúrli jylqy ósirý óńiri ekeni belgili. Bunda jylqy mádenıeti ejelden qalyptasqan, buqaralyq bazasy da keń. Altaı qalasyndaǵy bul jańadan ashylyp jatqan at sporty fermasyna budan buryn attyń qyzyqtaryn tamashalaý úshin «At ústindegi on myń jasóspirim» atty arnaıy sporttyq kýrsy ótkizilgen.




Altaı qalalyq «Altyn qan» at sporty fermasynyń jaýaptysy Chjoý ıÝnnyń aıtýynsha, Altaı qalasynyń bastaýysh jáne orta mektep oqýshylaryna jyl boıy arnaıy sporttyq kýrstar ótkizýge qol jetkizý úshin Tszılın provıntsııasy 2,6 mln. ıýan qarjylaı kómek berip, Altaı qalasynda «Altyn qan» at sporty kýrsynyń jabyq stadıonyn salýǵa qol úshin sozǵan. Sonyń arqasynda, altaılyq oqýshylar qysta shańǵy tebýge ǵana emes, jabyq ıppodromda atqa miný múmkindigine de ıe bolǵan.

Altaı qalasyndaǵy «Altyn qan» at sporty kýrsynyń oqý oryndary jabyq jáne ashyq alańdar dep bólinedi. Kelýshiler jyl boıy jattyǵýlary úshin qolaıly oryndardy tańdaýǵa bolady. Jabyq alańdar jazdaǵy qatty ystyq pen qystaǵy sýyqqa tótep bere alady. Al, ashyq alańdar da sportshylar erkin júredi. Sonyń arqasynda oqytýdyń sapasy men sany edáýir jaqsarǵan.




«Munda qalada turatyn balalardyń dene qýatynyń úzdiksiz ósýi men ilgerileýine at sportynyń paıdasy ushan teńiz. Jyl boıy ótkizilgen at sporty sabaqtarynyń arqasynda balalardyń densaýlyǵy myqty bolady. Minezi men tózimdiligi artady», dep túıindeıdi qytaılyq BAQ.

Ashat Orazbaı: Irannyń Shanhaı yntymaqtastyq uıymyna qosylýy múshe elderge paıdaly bolmaq - Parstoday




Bundaı taqyryptaǵy aqparat osy aptada Irandyq Parstoday aqparattyq agenttiginde habarlanǵan bolatyn.

Atalǵan BAQ-tyń dereginshe, Qazaqstannyń Irandaǵy elshisi Ashat Orazbaı dúısenbi kúni IRNA aqparat agenttigine bergen suhbatynda Irannyń Shanhaı yntymaqtastyq uıymyna múshe bolyp kirgenine baılanysty aımaq elderiniń ıntegratsııasy artatynyna toqtalǵan.

«Irannyń osy uıymǵa qosylýy búkil aımaqqa paıdaly. Iran - ekonomıka turǵysynan óte myqty el. Irannyń qosylýy Shanhaı uıymy aýmaǵyndaǵy saýda-ekonomıkalyq qarym-qatynasqa jəne ekonomıkalyq baǵdarlamalardy oryndaýda óte əserli bolady. Uıymǵa múshe elderde halyq sanynyń kóptigin eskersek, barlyq elderge jəne Irannyń ózine de paıdaly bolady», - degen Qazaqstannyń Irandaǵy elshisi.


Avtor Beısen Sultan
Basty sózder: Qoǵam, BAQ,
Joǵary qaraı