Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Altaı Kólginov Úkimette elordany gazdandyrý týraly esep berdi

2020 jyldyń 24 qarasha 2020 10:53

NUR-SULTAN. QazAqparat - Búgin Úkimet otyrysynda Nur-Sultan qalasynyń ákimi Altaı Kólginov elordany gazdandyrý jumysy qalaı júrgizilip jatqanyn baıandady, dep habarlaıdy QazAqparat tilshisi.

Elbasynyń «5 áleýmettik bastamasyna» sáıkes jáne Memleket basshysynyń tapsyrmalary boıynsha elordany gazdandyrý jáne turǵyndardy tabıǵı gazben qamtamasyz etý aıasyndaǵy jumystar josparǵa oraı júrgizilip jatyr. Gaz tartý jelileriniń qurylysy úsh kezeńge bólingen. Іske qosý kesheninen turatyn jobanyń 1-kezeńiniń qurylysy 2019 jyldyń kúz aıynda bastaldy. Qazirgi ýaqytta «Kóktal» turǵyn úı alabyna keletin gaz jelisiniń qurylysy tolyqtaı aıaqtaldy. «Jeleznodorojnyı» turǵyn úı alabyna gaz tartý jelileri tolyǵymen 100 paıyz ornatyldy. Atalǵan jelilerge servıstik qyzmet kórsetý úshin olar «QazTransGaz» AQ-qa berildi», - dedi ol.

Onyń dereginshe, «Kóktal-1», «Kóktal-2», «Óndiris» turǵyn úı alaptarynda jáne «Agroqalashyqtyń» bir bóliginde jumystar aıaqtalýǵa jaqyn. Atap aıtqanda, qurylys-montajdaý jumysy bitip, onda gaz jelileri tekserilip jatyr.

« QazTransGaz « AQ «Kúıgenjar», «Mıchýrın», «Internatsıonalnyı» turǵyn úı alaptaryn gazdandyrýdy kestege sáıkes júrgizip jatyr. Jalpy qala turǵyndarynyń tórtten bir bóligi turatyn atalǵan turǵyn úı alaptarynda 300 shaqyrymǵa jýyq gaz jelisi tartyldy. Kelesi jyly «Agroqalashyq» jáne «Ońtústik shyǵys» turǵyn úı alaptaryn tolyqtaı qamtamasyz etetin 3 iske qosý kesheni paıdalanýǵa beriledi. Gazdandyrýdyń 2 jáne 3 kezeńi boıynsha jobalaý, izdestirý jumysy júrgizilý ústinde. Olardy júzege asyrý respýblıkalyq jáne jergilikti bıýdjet esebinen, sonymen qatar jeke ınvestıtsılar tartý arqyly josparlanǵan», - dedi Altaı Kólginov.


Joǵary qaraı