Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Altaı Kólginov LRT týraly: 3,25 paıyzben nesıe alamyz

2021 jyldyń 3 jeltoqsan 2021 15:33

NUR-SULTAN. QazAqparat – Elordadaǵy LRT qurylysyn aıaqtaýǵa qajet qarjyny 3,25 paıyzdyq nesıe arqyly jabý kózdelip otyr. Bul týraly Nur-Sultan qalasynyń ákimi Altaı Kólginov ortalyq kommýnıkatsııalar qyzmetinde ótken brıfıngide málim etti, QazAqparat tilshisi.

«LRT jobasy óte kúrdeli ekenin, úlken kapıtaldy qajet etetinin bilesizder. Biraq bastalǵan isti aıaqtaýymyz kerek. 2016 jyly kontsortsıýmmen jáne banktermen kelisishart bekitilgen. Kelisimshart qa qol qoıylǵanymen, keıbir bankterge problemaǵa baılanysty joba ýaqytsha toqtatylǵan bolatyn. Qazir bankter arqyly ınvestıtsııa tartý boıynsha jumys jalǵasyp jatyr. Jobany aıaqtaýymyz kerek. Tolyq aqparat bereıin. Jobanyń quny 1,8 mlrd dollar turady, Onyń ishinde 347 mln dollar qazirdiń ózinde ıgerilip qoıǵan. O basta nesıe 4,9 paıyzben Qytaı damý bankinen alynǵanyn bilesizder. Keıin biz únemdeý týraly sheshim qabyldadyq», - dedi ákim.

Sondaı-aq, ol jobany qaıta qaraý kezinde qanshy qarajat únemdelgenin atady.

«Óz elimizdegi ekinshi deńgeıli bankterden 3,25 paıyzben oblıgatsııalyq qaryz alý boıynsha jumys istep jatyrmyz. ıAǵnı bul 4,9 paıyzdan áldeqaıda az. Onyń ústine qaryzǵa qyzmet kórsetý boıynsha 800 mln dollar únemdeıtin edik. Odan bólek EPC kelisimsharty boıynsha 200 mln dollar jáne únemdedik. Stantsııalar men vagondardyń sanyn qysqartý arqyly 150 mln dollar únemdeldi», - dedi Altaı Kólginov.

Qala basshysy jobany aıaqtaý úshin 1 mlrd dollar kóleminde qarjy tartý kerek ekeni taǵy bir eske saldy.

«LRT-nyń qazirgi kúıi qalanyń sáýletine sán kirgizip tur deý qıyn. Buǵan deıin qanshama qarjy salyndy?! Keleshekte qalanyń qoǵamdyq kóligin damytý úshin, ekologııalyq taza kólikpen qamtý úshin bul qajet. Turǵyndardyń sany ósip kele jatqanyn da eskerý qajet. Qazir qalada 1 mln 200 myń adam bar. Aldaǵy 10 jylda 2 mln adamǵa jetýi múmkin. Dál osy LRT ótetin Sol jaǵalaýda qurylystyń tyǵyzdyǵy artyp keledi. Byltyrǵy pandemııa jylynyń ózinde Esil aýdanynyń halqyna 40 myń adam qosyldy. Men óńirde jumys istegenmi. Óńirler ólshemimen alsaq, bul eki aýdannyń halqy degen sóz. Halyq ósimi áli jalǵasyp jatyr», - degen ákim kelissózder júrgizip jatqan baknterdiń atyn ataýdan bas tartty.

«Jobany túbi aıaqtaımyz. Qazir banktermen jumys istep jatyrmyz. Solardyń ótinishi boıynsha naqty qandaı bank ekenin aıta almaımyz. Kelisimshartqa qol qoıylǵan kezde ǵana aqparatyn beremiz. Naqty aıtsaq, bankter kontsortsıýmymen jumys istep jatyrmyz. Solardyń ótinishi boıynsha jarııalamaımyz. Kelisim mynadaı mazmunda júrip jatyr. Buǵan deıin bir qaryzdan bas tarttyq qoı. Onyń mólsherlemesi 4,9 paıyz bolsa, bul joly 3,25 paıyz bolady», -dedi elorda basshysy.


Avtor Esimjan Naqtybaı
Basty sózder: Nur-Sultan, Ákim, Kólik,
Joǵary qaraı