Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Altaı Kólginov epıdahaldy jaqsartý josparymen bólisti

2021 jyldyń 21 shilde 2021 14:08

NUR-SULTAN. QazAqparat –Altaı Kólginov Instagram paraqshasynda qala turǵyndaryna ózderin, jaqyndaryn jáne aınalasyndaǵy jandardy qorǵaý úshin vaktsına alýǵa shaqyrdy, dep habarlaıdy QazAqparat.

«Koronavırýs indetin lokdaýn, shekteý sharalaryn engizý arqyly jeńe almaımyz. Bular COVID-19 ınfektsııasynyń taralý kórsetkishin ýaqytsha tómendetýge ǵana múmkindik beredi.

Pandemııany vaktsınatsııa arqyly ǵana jeńýge bolady. Ujymdyq ımmýnıtetti qalyptastyrý árqaısymyzǵa tikeleı baılanysty. Sebebi ujymdyq ımmýnıtet qalyptasqanda ǵana oqýshylar men stýdentter sabaǵyn offlaın rejımde oqı alady, sol sııaqty kásiporyndardyń bári karantındik shekteýsiz jumys isteıtin bolady. Eń bastysy – adam óliminiń sany azaıady. Bul jaı sandar emes, árqaısysynda bir adamnyń ómiri men olardyń otbasylarynyń taǵdyry tur!

Memleket basshysynyń tapsyrmasy aıasynda medıtsına mekemeleriniń dárigerlerimen epıdemıologııalyq ahýaldy talqyladyq.

Birinshi. Mobıldi brıgadalar sanyn arttyrý

Qalada koronavırýs ınfektsııasyn juqtyrǵan naýqastardyń úıine baratyn 186 brıgada bar. Olar naýqastardyń densaýlyǵyn tekserip, PTR alady, sondaı-aq qarym-qatynasta bolǵan azamattardy tekseredi. Brıgadalar sanyn taǵy 100 birlikke kóbeıtýdi tapsyrdym. Endi 300-ge jýyq mobıldi brıgada qyzmet etetin bolady.

Ekinshi. Medıtsına mekemelerin barynsha jabdyqtaý

Medıtsına mekemelerin qajetti apparattarmen jabdyqtaýdy bıyl da jalǵastyramyz. Máselen, qosymsha jyljymaly rentgen apparattary, patsıent monıtorlary, perfýzorlar jáne t.b. jetkizildi.

Mysalǵa ótken jyldyń ózinde medıtsına mekemeleri 1 myńnan astam flýometrmen, 330-dan astam ottegi kontsentratymen, 50-den astam ókpeni jasandy jeldetý apparatymen tolyqtaı jabdyqtaldy. Sondaı-aq, KT apparattary, tsıfrly rentgenografııalyq júıeler, ottegi rezervýarlary jáne t.b. ornatyldy.
Bul baǵyttaǵy jumystar ary qaraı da jalǵasýda.

Úshinshi. Dári-dármekpen qamtamasyz etý

Dári-dármekter men jeke qorǵanys quraldarynyń eki aılyq qory bolýy tıis.

Tórtinshi. Vaktsınatsııa qarqynyn arttyrý

Medıtsına mekemeleriniń bárinde, sol sııaqty iri saýda oıyn-saýyq ortalyqtary men saýda úılerinde vaktsınatsııalaý pýnkti ashyldy. Sonymen qatar, eńbek ujymdaryn vaktsınatsııalaý úshin kóshpeli brıgadalar uıymdastyryldy. Qazir 318 myńnan astam adam vaktsına aldy.

Sondaı-aq, sanıtarlyq normalardy saqtaý boıynsha monıtorıngtik toptardyń jumysy kúsheıtildi.

Vaktsınatsııa – bul jaı ǵana tańdaý emes. Aldyńyzda eki tańdaý tur, vaktsınatsııa arqyly tolyqqandy salaýatty ómirdi tańdaısyz nemese aýrýhana tósegine tańylyp, indetpen kúresýińizge týra keledi. Sebebi koronavırýs adam aǵzasyn álsiretip, densaýlyqqa qatty soqqy beredi. Mundaı qaýipti shaqta densaýlyǵyńyzdy qaterge tikpeńiz. Vaktsınatsııa ǵana ózińizdi, jaqyndaryńyzdy jáne aınalańyzdaǵy adamdardy qorǵaýǵa múmkindik beredi», - dep jazdy elorda ákimi.


Joǵary qaraı