Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Altaı Kólginov elordanyń azyq-túlik qaýipsizdigi týraly aıtyp berdi

2021 jyldyń 24 qańtar 2021 19:15

NUR-SULTAN. QazAqparat – Elorda ákimi Altaı Kólginov Aqmola oblysynda aýyl sharýashylyǵy ónimderin óndirýshilermen kezdesti, dep habarlaıdy QazAqparat tilshisi.

«Áleýmettik mańyzy bar azyq-túlik ónimderiniń baǵasyn tómendetý boıynsha jumystar jalǵasyp jatyr. Eń bastysy, qala turǵyndaryna sapaly otandyq azyq-túlikti alý múmkindigin jasaý. Aqmola oblysynyń sıyr jáne qus etin, sút jáne basqa da ónimderdi óndirýshilerimen kezdestim. Osy saladaǵy ózekti máselelerdi talqylap, olardyń ıdeıalary men usynystaryn tyńdadym», - dep jazdy ákim Instagram-daǵy paraqshasynda.






Osy oraıda ol árbir óndirýshimen deldalsyz yntymaqtasa otyryp, ákimshilik kedergiler joıylatynyn jetkizdi.

«Elordanyń azyq-túlik qaýipsizdigi negizgi másele ekeni karantın kezinde bilindi. Ónimdi óndirip qana qoımaı, ony durys saqtaı bilý de kerek. Jeke ınvestorlardyń esebinen tórt birdeı iri kóterme-taratý ortalyǵynyń jáne kókónis saqtaý qoımalarynyń qurylysy júrgizilip jatyr. Otandyq óndirýshilerdi qoldaý asa mańyzdy», - dedi A. Kólginov.
































Joǵary qaraı