Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń jańa bas jospary qashan qabyldanady

2021 jyldyń 22 shilde 2021 20:45

ALMATY. QazAqparat – Almaty qalalyq josparlaý jáne ýrbanıstıka basqarmasynyń basshysy Almashan Ahmedjanov Qalanyń bas jospary qashan qabyldanatynyn aıtty, dep habarlaıdy QazAqparat.

«Bas jospar áli de talqylanýda. Ol qoǵamdyq uıymdardyń pikirin eskere otyryp talqylanady. Biz toptarǵa bólindik. Ár top joba ázirleýshilerimen jeke jumys isteıdi. Meniń oıymsha, tamyz aıynda biz túpkilikti sheshimge kelemiz. Jaqynda ǵana men kólik ınfraqurylymy boıynsha bolǵan máseleler men eskertýlerdi talqylaýǵa qatystym. Jumys jaqsy júrip jatyr, bul máselelerdi qoǵam belsendileri arqyly talqylaǵan kezde paıdaly dep sanaımyn. Sońǵy eskertýlerdi ázirleýshiler joıǵannan keıin, biz daıyn materıalmen qoǵamdyq tyńdaýlarǵa shyǵamyz dep úmittenemin», – dep jaýap berdi basqarma basshysy Óńirlik kommýnıkatsııalar qyzmetiniń brıfınginde.

Spıker sarapshylardyń zańnamaǵa sáıkes keletin jáne bas josparǵa engizýge bolatyn barlyq eskertýlerin qabyldaǵanyn aıtty.

«Negizinen jol aıryqtarynyń sanyn qysqartý, kóshelerdiń taýǵa emes, qalaǵa kireberis jaǵynan syrtqy kólikterge joldar jasaý týraly eskertýler boldy. Syrtqy kólik – bul qalanyń ekologııalyq komponentine áser etetin elementterdiń biri... 300-ge jýyq eskertý bar», – dedi ol.

Onyń aıtýynsha, sońǵy kezeń tamyz aıynda bolady. Budan ári qoǵamdyq talqylaýlardan basqa, rásimdik protsess, jobany saraptaý, máslıhatta tanystyrý bolady. Sodan keıin máslıhat jobany úkimettiń bekitýine berýi tıis.


Basty sózder: Qurylys, Almaty, Ákimdik,
Joǵary qaraı