Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń shetki aýdandary qalaı damyp jatyr

2021 jyldyń 25 qyrkúıek 2021 17:24

ALMATY. QazAqparat- Baqytjan Saǵyntaev qalaǵa qosylǵan shaǵynaýdandardaǵy áleýmettik nysandardyń qurylysymen tanysty, dep habarlaıdy QazAqparat tilshisi.

«Alǵabas» shaǵynaýdanynda 17 shaqyrym sý qubyry jelisi men 13,5 shaqyrym sý burý qurylysynyń birinshi kezeńi aıaqtalýǵa jaqyn. Olarǵa 1332 abonent qosylady.
Ekinshi kezeńde 19,1shaqyrym sýmen jabdyqtaý jelisi men 13,7 shaqyrym káriz, sondaı-aq 14 km qysymdy káriz jelisiniń qurylysy júrip jatyr. Bularǵa 1,5 myńǵa jýyq abonent qosylady.
Sondaı-aq, «Alǵabas» shaǵynaýdanynyń turǵyndaryn ortalyqtandyrylǵan sýmen jabdyqtaý jáne sýdan burýmen tolyq qamtamasyz etý maqsatynda qurylystyń ІІІ kezeńine JSQ ázirleý jumystary júrgizilýde.
Sondaı-aq atalǵan aýdanda 24 kóshedegi 11,3 shaqyrym joldar qalpyna keltiriledi. Búgingi kúni 10 kósheniń 3,9 shaqyrymy jóndeldi. Sonymen qatar, 98 kóshege 31,9 shaqyrym jańa jol salynady. Qazirgi ýaqytta uzyndyǵy 4,2 shaqyrym bolatyn 9 kóshege asfaltbeton jamylǵysy tóseldi.
21 kóshede syrtqy jaryqtandyrý ornatyldy. Qalǵan eki jaryqtandyrylmaǵan kóshede qala ákiminiń tapsyrmasy boıynsha memlekettik-jeke áriptestik aıasynda jaryqtandyrý uıymdastyrylady. Sondaı -aq, 32 transformatorlyq qosalqy stantsııany aýystyrýmen 73,5 shaqyrym elektr jelileri jańartylady.
Osylaısha, 21 myń adam turatyn «Alǵabas» shaǵynaýdanynyń turmys jaǵdaıy jaqsaryp, jalpy qalalyq standarttarǵa saı bolady. Búginge deıin jeke uıymdar usynǵan jabdyqtaý qyzmetterdiń sapasyna jáne elektr energııasy men sýmen jabdyqtaý tarıfterge qatysty bolady.
Dál osyndaı jumystar Naýryzbaı aýdanynda da júrgizilýde. Sonymen, «Aqjar» shaǵynaýdanynda 19 shaqyrym sý qubyry men 15,7 shaqyrym sý burý jelisiniń qurylysy jalǵasýda. Joba boıynsha olarǵa 1400 úı qosylady.
Jobany aıaqtaý kelesi jylǵa josparlanǵan. 5,5 shaqyrym jelini jańartý jáne 3 transformatorlyq qosalqy stantsııany aýystyrý kózdelgen. 49 kóshe boıyna syrtqy jaryqtandyrý jelisi tartyldy.
Almaty ákimi Baqytjan Saǵyntaev «Tastybulaq» shaǵynaýdanyndaǵy jol qurylysynyń barysymen de tanysty. Búgingi kúni uzyndyǵy 10,1 shaqyrym bolatyn 17 kóshege asfaltbeton jamylǵysy tóseldi.Uzyndyǵy 1,1 shaqyrym bolatyn bir kóshege asfalt tóseý jaqyn arada aıaqtalady. Sondaı-aq, qala ákimi Tastybulaq ózeniniń jaǵalaýyn jaqsartý barysyn tekserdi.
Qalanyń soltústik-batys bóliginde kólik baılanysyn damytý maqsatynda Saın kóshesin Rysqulov dańǵylynan Móńke bı kóshesine deıin uzartý aýqymdy joba boıynsha júrgizilýde. Jalpy uzyndyǵy 3,2 shaqyrym.
Qazir 1,4 km ýchaskede jumystar júrgizilip jatyr. Bazany daıyndaý, jaǵalaýdy ornatý jáne betkeılerdi nyǵaıtý aıaqtaldy.
Baqytjan Saǵyntaev qarqyndy jedeldetip, jumys kólemin arttyrýdy tapsyrdy. Alty jolaqty jol Alataý aýdany men Almaty oblysynyń qala mańyndaǵy eldi mekenderde turatyn azamattardyń utqyrlyǵyn arttyrady.
Qoljetimdi turǵyn úımen qamtamasyz etý jumystary jalǵasýda. Baqytjan Saǵyntaev «Mádenıet» turǵyn úı keshenindegi alǵash salynǵan 144 páterli 4 úıdi qarap shyqty. Aýmaqty asfalttaý jáne kóshelerdi jaryqtandyrý jumystary júrgizilýde. Barlyǵy 792 páterli 22 úı salý josparlanýda. Osylaısha, 211 páter halyqtyń áleýmettik osal toptary arasynda, 24-i - jumys isteıtin jastar arasynda, 557 - kezekte turǵandar men Otbasy bankiniń salymshylary arasynda bólinedi.
Almaty ákiminiń tapsyrmasy boıynsha jospardy naqty ázirleý kezinde balabaqsha men úsh mektep salý kózdelgen. Turǵyndarǵa jaqyn mańda áleýmettik qyzmetter kórsetiledi.
«Qalqaman» shaǵyn aýdanynda №7 qalalyq klınıkalyq aýrýhananyń jańa ǵımaratynyń qurylysy jalǵasýda. Kúnine 650 patsıent qabyldaı alady. Naýqastarǵa arnalǵan 48 tósek-oryn bar. Qala ákimi qurylys jumystarynyń barysymen jáne jabdyqtar tizimimen tanysty. KT apparattary, rentgen sáýleleri, jeldetkishter, jyljymaly rentgen júıeleri, medıtsınalyq monıtorlar men kópfýnktsıonaldy kereýetter satyp alý josparda.
Baqytjan Saǵyntaev jańa medıtsınalyq mekemeni paıdalanýǵa berýdi jedeldetýdi, árleý jáne qurylys-montajdaý jumystaryn tezdetýdi tapsyrdy.
Negizgi maqsat – halyqqa kórsetiletin medıtsınalyq qyzmettiń sapasyn arttyrý.


Avtor Alma Muqanova
Basty sózder: Almaty, Qoǵam, Ákim,
Joǵary qaraı