Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń donor-rekordsmenderi kim

2021 jyldyń 14 maýsym 2021 23:10

ALMATY. QazAqparat – 14 maýsym – Dúnıejúzilik qan donorlary kúni. Respýblıkalyq qan ortalyǵynyń mamandary donor-rekordsmender týraly aıtyp berdi, dep habarlaıdy QazAqparat tilshisi.

Qan ortalyǵynyń málimetinshe, qan donory bolý – erikti shara. Halyqaralyq zertteýlerge sáıkes, bir ret qan ótkizý arqyly adamdar orta eseppen úsh adamǵa kómek kórsetedi. Odan bólek, udaıy túrde qan ótkizip otyrý arqyly adamdar óz ómirin 5-7 jylǵa uzartady.




2021 jyldyń basynan beri Almaty qalasyndaǵy respýblıkalyq qan ortalyǵynda 4093 lıtr qan jáne onyń komponentteri jınaldy.

Turaqty donorlardyń arasynda birqatar almatylyq bar. Solardyń biri – Nurtýǵan Aqmyrzaev. Ol 82 donatsııa jasady: qan – 22, plazma jáne trombotsıtter donorlyǵy – 60.

Al, Dınara Turǵalıeva 84 donatsııa jasady. Onyń ishinde qan – 20; plazma, trombotsıtter donorlyǵy – 51.








Qamqor donor – Muhtar Zeınýllada 40 donatsııasy bar. Qan donorlyǵy – 8, plazma, trombotsıtter donorlyǵy – 32.

Sonymen qatar, 61 donorlyq jasaǵan Kelesim Rakmyshev qan men onyń komponentterin tapsyrý boıynsha rekordsmen atandy. Qan donatsııasy – 28, plazma, trombotsıtter donorlyǵy – 33.

Trombotsıtterdi donorlyq etýdiń rekordshysy – Asqar Nurtaev. 52 donorlyq: qan – 25; plazma, trombotsıtter donorlyǵy – 27

Sırek toptar arasyndaǵy rekordshy – Evgenıı Samsonov. Onyń 51 donatsııasy bar. Qan – 40, plazma jáne trombotsıtter – 11.





Respýblıkalyq qan ortalyǵy otbasylyq donorlardy atady.

Bul – Qarabekovtar, Evfımovtar, Ásenhanovtar, Saıtovtar jáne Lıtvınenko januıalary.

Bul tizimde donorlyq aktsııa uıymdastyratyn kóptegen uıym bar.

Qan ortalyǵynyń málimetinshe, Aslan Sáýletuly eń jas belsendi donor boldy. Ol 18 jasynda 18 ret qan tapsyrdy. Qan donorlyǵy – 7, plazma jáne trombotsıtter – 18.

«18 jastan asqan kez kelgen saý adam, jynysy men kásibine qaramastan, donor bola alady. Árbir donor qan tapsyrmas buryn medıtsınalyq tekserýden ótedi. Qan tapsyrǵannan keıin de, kóp jyldar ótse de donorlarǵa júrgizilgen saýalnamalar olardyń densaýlyqtarynda eshqandaı aýytqýlardy anyqtaǵan joq.




Donor qan tapsyratynyń aldynda durys tamaqtaný jáne suıyqtyqty kóp ishý kerek. Bul kúni maıly, tuzdy, qýyrylǵan, ay, ystalǵan, sondaı-aq sút ónimderi men jumyrtqa jemegenderi abzal. Tátti shaı, djem, nan, pisirilgen jarma, makaron, shyryndar, mıneraldy sý, kókónister, jemister jegen paıdaly.

Sonymen qatar, ishimdik jáne quramynda aspırın men analgetıkter bar dári-dármekterdi ishýge bolmaıdy. Qan tapsyratyn kúni tańǵy as ishý kerek. Qan tapsyrardan bir saǵat buryn temeki shegýden bas tartqan abzal», - dep atap ótti qan ortalyǵyndaǵylar.

















Avtor Alma Muqanova
Basty sózder: Aımaq, Almaty, Medıtsına, Qoǵam,
Joǵary qaraı