Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń dızaın-kod jobasy boıynsha qoǵamdyq talqylaý ýaqytsha toqtatyldy

2020 jyldyń 25 qarasha 2020 16:16

ALMATY. QazAqparat – Almaty qalasynda biryńǵaı erejelerdi qurý boıynsha jumys jalǵasýda. Dızaın-kod jobasyn turǵyndar talqylaýyna usyný eldegi jáne Almatydaǵy epıdemıologııalyq jaǵdaıǵa baılanysty shegerilip otyr. Bul týraly qalalyq Josparlaý jáne ýrbanıstıka basqarmasynan málim etti, dep habarlaıdy QazAqparat tilshisi.

Basqarmanyń málimetinshe, Almatynyń dızaın-kod jobasy - Qazaqstandaǵy pılottyq joba. Ol 2017 jyly bastalǵan. Bul - kúrdeli jumys. Sondyqtan muqııat zertteýdi, shyǵarmashylyqty jáne naqty belgilengen erejelerdi talap etedi. Jobanyń birqatar pýnkteri boıynsha qoǵamdyq tyńdaýlar ótkizildi.

«Pandemııaǵa baılanysty qoǵamdyq tyńdaýlar ýaqytsha toqtatyldy. Qazir qalanyń barlyq sýbektilerinen dızaın-kod boıynsha usynystar men eskertpeler jınaqtalýda. Almatydaǵy keıbir iri tamaqtandyrý oryndary kúrdeli jóndeý jumystaryn júrgizý úshin dızaın-kod jobasyna qatysty usynystar suraıdy»,– dep habarlady basqarmadan.

Qalada biryńǵaı erejelerdi qurý boıynsha jumys jalǵasýda. Eldegi jáne Almatydaǵy epıdemıologııalyq jaǵdaı turaqtalǵan soń dızaın-kod jobasy qala turǵyndarynyń talqylaýyna qaıta usynylatyn bolady.

Dızaın-kod – qalany, qala kóshelerin, qoǵamdyq aımaqtardy bezendirýdiń biryńǵaı sáýlettik stıli. Jobanyń maqsaty – ǵımarat qasbetteriniń elementterine qoıylatyn biryńǵaı talapty ázirleý: kireberis, mańdaıshalar, aqparattyq taqtalar, balkon qorshaýlary, aýabaptaǵysh jáne t.b.


Avtor Alma Muqanova
Basty sózder: Aımaq, Almaty, Basqa memorgandar,
Joǵary qaraı