Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatynyń bas sanıtarlyq dárigeri «omıkron» shtamy «deltany» yǵystyratynyn aıtty

2022 jyldyń 14 qańtar 2022 13:17

ALMATY. QazAqparat - «Omıkron» shtamy jaqyn arada «deltany» yǵystyratyn bolady. Bul týraly Almaty qalasynyń bas sanıtarlyq dárigeri Qarlyǵash Ábdijabbarova onlaın brıfıng barysynda málim etti, dep habarlaıdy QazAqparat tilshisi.

«Koronavırýstyń jańadan paıda bolǵan «omıkron» shtamy halyq arasynda kóp taraıdy jáne jaqyn arada «deltany» yǵystyrady»,-deıdi ol.

Almatynyń bas sanıtarlyq dárigeri ujymdyq ımmýnıtettiń qajetti deńgeıine jetý úshin vaktsına alý kerektigin eskertti.

«Almatyda koronavırýsqa qarsy ımmýndyq qabat jetkiliksiz jáne shamamen 60%-dy quraıdy (vaktsınatsııalanǵandardyń 51,3% + sońǵy jyly aýyryp aýyrǵandardyń 8,2%)»,- deıdi spıker.

Qarlyǵash Ábdijabbarova alǵashqy ımmýnızatsııadan ótken azamattardy revaktsınatsııaǵa kelýge shaqyrdy.

«Álemniń jetekshi ǵalymdary men sarapshylarynyń derekteri boıynsha, qoldanystaǵy vaktsınalarmen revaktsınatsııa «omıkron» shtamymen ınfektsııa kezinde asqynǵan jáne ólim jaǵdaılaryn aýrýhanaǵa jatqyzýdan 70%-ǵa qorǵaıdy. Men vaktsınatsııalanbaǵan azamattardy ekinshi komponentti alǵannan keıin 6 aıdan keıin qaıta vaktsınatsııalaýǵa shaqyramyn. Bul kezeńde qalanyń barlyq turǵyndaryna shekteý sharalarynyń talaptaryn qatań saqtaý, qoǵamdyq oryndarda áleýmettik qashyqtyq pen betperde rejımin saqtaý óte mańyzdy», - deıdi Qarlyǵash Ábdijabbarova.

Spıker 20-30 jas aralyǵyndaǵy jas turǵyndar úshin «omıkron» shtamy qaýipti ekenin tilge tıek etti.

Onyń aıtýynsha, vırýstyń bul nusqasy erekshe jáne osy jastaǵylarǵa áser etedi.

«Koronavırýsty juqtyrǵandardyń úlesi 20 jastan 40 jasqa deıingi adamdar arasynda 16,4%-ǵa, jasóspirimder arasynda 1,1%-ǵa kúrt ósti, bul omıkron shtamyna da tán»,-dedi ol.


Joǵary qaraı