Aýa raıy
Astana -13 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtarǵa koronavırýspen kúres boıynsha tegin psıhıkalyq kómek kórsetilip jatyr

2020 jyldyń 3 jeltoqsan 2020 22:58

ALMATY. QazAqparat – Almatyda COVID-19 juqtyrǵandarǵa jáne aıyqqandarǵa tegin psıhıkalyq kómek belsendi túrde kórsetilip jatyr, dep habarlaıdy QazAqparat tilshisi.

Bul týraly óńirlik kommýnıkatsııalar qyzmetiniń alańynda ótken onlaın-brıfıng barysynda Almaty qalasy Psıhıkalyq densaýlyq ortalyǵynyń dırektory Sapar Rahmensheev aıtty.

Onyń aıtýynsha, koronavırýs pandemııasy kezinde karantınge baılanysty jappaı dúrbeleń baıqalǵan joq, biraq qońyraý shalýshylardyń sany artty.

«Ózin-ózi oqshaýlaý rejımi uzartylǵannan keıin ortalyqqa habarlasýshylardyń sany kúrt ósti.Karantınnen sharshaý, apatııa, bolashaq úshin alańdaý, abyrjý jáne aýyryp qalýdan qorqý, depressııalyq kúıler týraly shaǵymdar artty», — dedi bas dáriger.

Sonymen qatar, ol ortalyq dırektory qorqynyshpen qalaı kúresýge jáne psıhologııalyq kómek alý úshin qaıda júginýge bolatynyn aıtty.

«Eger koronavırýs aýrýy anyqtalsa, adamdarda olar endi jazylmaıtyndaı úreı paıda bolady. Mundaı jaǵdaılarda barynshy sabyrly bolyp, úreılenbeý kerek. Negizgi másele – dárigerge senim artý. Kóptegen adamdar patsıentterdi dıspanserge jatqyzady dep oılap, bizge kelýden qorqady. Biraq is júzinde olaı emes. Bizdiń qyzmetkerler olarǵa onlaın psıhologııalyq kómek kórsetedi nemese aýrýhanaǵa keńes alýǵa shaqyrady, biz eshkimdi birden aýrýhanaǵa jatqyzbaımyz. Barlyq azamattarǵa kómek tegin kórsetiledi», — dedi ol.

Sondaı-aq, 8 (727) 376-5660 nómiri boıynsha táýlik boıy psıhologııalyq kómek kórsetetin jedel jelisi jumys isteıdi. Onda kúnine 20 adamǵa deıin aqysyz keńes beriledi.


Avtor Alma Muqanova
Basty sózder: Almaty, Medıtsına, Koronavırýs,
Joǵary qaraı