Aýa raıy
Astana 8 °S
Almaty 5 °S
valıýta baǵamy
USD 412.55
EUR 468.66
RUB 5.79
CNY 58.80

Almatylyqtardyń saqtandyrý jarnasy 73 mlrd teńgeden asty

2020 jyldyń 7 tamyz 2020 02:47

ALMATY. QazAqparat –2020 jyldyń 30 shildesine deıin Medıtsınalyq saqtandyrý qoryna 379,6 mlrd teńgege jýyq qarjy jınaqtaldy. Bul týraly «Áleýmettik medıtsınalyq saqtandyrý qory» KEAQ Almaty qalalyq fılıaly málim etti, dep habarlaıdy QazAqparat tilshisi.

«Almaty qalasy respýblıka boıynsha jarnalar men aýdarymdardyń kólemi jaǵynan kósh bastap tur – jınaqtalǵan somanyń besten bir bóligi burynǵysha, ońtústik astananyń enshisinde. Jalpy, saqtandyrý júıesi iske qosylǵan 2017 jyldyń 1 shildesinen 2020 jyldyń 30-shildesine deıingi aralyqta Almaty qalasynan Qorǵa 73,8 mlrd teńgeden astam jarna aýdaryldy. Onyń 63,4 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary bolsa, qalǵan 10,4 mlrd teńge – jeke kásipkerler men azamattyq-quqyqtyq kelisimshart boıynsha eńbek etetinderge tıesili», - dedi fılıal dırektory Tleýhan Ábildaev

Sondaı-aq, biryńǵaı jıyntyq tóleýshiler sany da artyp keledi. Almaty qalasy boıynsha 2019 jyl basynan beri ózin-ózi jumyspen qamtyǵan 185 myńnan astam adam 275,8 mln teńge kóleminde biryńǵaı jıyntyq tólem (BJT) tólegen.


Joǵary qaraı