Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtardyń atynan nesıege qymbat telefon alyp-satyp kelgen jas jigit ustaldy

2021 jyldyń 29 qazan 2021 14:33

ALMATY. QazAqparat - Almatynyń 19 jastaǵy turǵyny halyqty aldap, olardyń atynan nesıege qymbat gadjetterdi rásimdegen, dep habarlaıdy QazAqparat tilshisi.

Anyqtalǵandaı, jigit ınternetten kezdeısoq adamdardyń málimetterin taýyp alyp, birneshe aı boıy olardyń atynan taýarlyq nesıe rásimdep kelgen.

Nesıe maquldanǵannan keıin ol qymbat telefondardy alyp, úshinshi tulǵalarǵa satyp jibergen.

«Polıtsııaǵa bes azamat aryzdandy, kúdikti olardyń atynan «Iphone» markaly uıaly telefondardy rásimdegen. Jedel-izdestirý is-sharalary barysynda alaıaqtyq jasady degen kúdikti ustaldy. Qylmystyq is QR QK-niń 190-baby 3-bóligi (Alaıaqtyq) boıynsha tergelýde», – dedi Almaly aýdandyq Polıtsııa basqarmasynyń bastyǵy Esen Ysqaqov.

Kelgen shyǵyn kólemi shamamen bir jarym mıllıon teńge.

Kúdikti ýaqytsha ustaý ızolıatoryna qamaldy.


Joǵary qaraı