Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar PIK-ten MIB-ke aýysýdyń qıyndyǵyna shaǵymdandy

2021 jyldyń 21 qazan 2021 15:15

ALMATY. QazAqparat - Jetisý aýdanynda ornalasqan kóppáterli turǵyn úıdiń turǵyndary qala ákimine páter ıeleri komperatıviniń qyzmetine shaǵymdandy, dep habarlaıdy QazAqparat tilshisi.

Turǵyndardyń aıtýynsha, olar úıdi basqarýdyń jańa júıesi Múlik ıeleriniń birlestigine (MIB) óte almaı otyr. Almaty telearnasynyń tikeleı efırinde «Kókmaısa» yqsham aýdanynyń turǵyny MIB-ke kóshýdiń durys joldaryn surady.

«Bizdiń PIK múlde jumys istemeıdi, olar jeti jyl boıy jumys istegen joq. Tóraǵa nemen aınalysatyny túsiniksiz. Eger biz MIB-ke aýysamyz desek, onda ol «bizdiń úıde oǵan qaryzy bar, sotqa berem» dep qorqytady. MIB-ke aýysý úshin qaıda baryp, ne isteý kerektigin bilmeımiz»,- dedi qala turǵyny.
Baqytjan Saǵyntaev osy suraq boıynsha qazir Turǵyn úı saıasaty basqarmasy keńester berip, aýdan ákimdikterimen birlese qaladaǵy barlyq PIK-terdi múlik ıeleri birlestigine nemese qarapaıym seriktestikke (QS) kóshýge kómektesip jatqanyn aıtty.
«Zań qabyldandy. Endi sizder ne MIB nemese QS-ge kóshýińiz kerek. Basqa joly joq. PIK-te qala bere almaımyz. «Eshqandaı jóndeý jumystary júrgizilmeıdi, PIK tóraǵasy sotqa dep qorqytady» dedińiz, alaıda turǵyndardyń ózderi PIK tóraǵasyn sotqa bere alady. Sondaı-aq, odan turǵyndardyń tólegen aqshasy qaıda ketkenin, úıdiń jaǵdaıy nelikten nashar ekenin suraýǵa bolady. Ondaıdan qorqýdyń qajeti joq. Sizder turǵyndar ózderińiz jınalys ótkizip, qandaı formaǵa aýysýdy, MIB nemese QS-ke aýysýdy sheshýińiz kerek», - dep jaýap berdi ákim.
Baqytjan Saǵyntaev Turǵyn úı saıasaty basqarmasynyń basshysy Danııar Qyryqbaevqa atalǵan máseleni sheshýdi tapsyrdy.

Joǵary qaraı