Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar medıtsınalyq saqtandyrý qoryna 115 mlrd teńge aýdarǵan

2021 jyldyń 13 mamyr 2021 05:16

ALMATY. QazAqparat – 2017 jyldyń 1 shildesinen 2021 jyldyń 30-sáýirine deıingi aralyqta Medıtsınalyq saqtandyrý qoryna 621 mlrd teńge tústi. Bul týraly «Áleýmettik medıtsınalyq saqtandyrý qory» KEAQ Almaty qalalyq fılıaly málim etti, dep habarlaıdy QazAqparat tilshisi.

«Jarnalar men aýdarymdardyń kólemi jaǵynan Almaty qalasy kósh bastap tur – jınaqtalǵan somanyń besten bir bóligi burynǵysha, ońtústik astananyń enshisinde. Jalpy, saqtandyrý júıesi iske qosylǵan 2017 jyldyń 1 shildesinen 2021 jyldyń 30-sáýirine deıingi aralyqta Almaty qalasynan Qorǵa 115,6 mlrd teńgeden astam jarna aýdaryldy. Onyń 86,7 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary bolsa, qalǵan 28,9 mlrd teńge – jeke kásipkerler men azamattyq-quqyqtyq kelisimshart boıynsha eńbek etetinderge tıesili», - dedi fılıal dırektory Tleýhan Ábildaev.

Sondaı-aq, biryńǵaı jıyntyq tóleýshiler sany artyp keledi. Almaty qalasy boıynsha 2019 jyl basynan beri ózin-ózi jumyspen qamtyǵan 199 myńnan astam adam 442,7 mln teńge kóleminde biryńǵaı jıyntyq tólem (BJT) tólegen.


Joǵary qaraı