Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar kólikti taǵy bir avtoortalyqta qaıta rásimdeı alady

2021 jyldyń 25 aqpan 2021 14:38

ALMATY. QazAqparat- 1 naýryzdan bastap almatylyqtarǵa kólikti qaıta tirkeý úshin qala syrtyna shyǵý qajet bolmaıdy. Bul týraly «Azamattarǵa arnalǵan úkimet» memlekettik korporatsııasy KEAQ málim etti, dep habarlaıdy QazAqparat tilshisi.

№1 mamandandyrylǵan HQKO-da (Saıaly shaǵyn aýdany) kólik quraldaryn satyp alý-satýdy resimdeý boıynsha qyzmet kórsetken barlyq operator «Avtodom» avtokesheniniń ǵımaratyna kóshiriledi. Osyǵan baılanysty 27 aqpanda №1 mamandandyrylǵan HQKO qyzmet kórsetpeıdi.

Osy jyldyń basynda «Avtodom» saýda ortalyǵynda shaǵyn burysh ashyldy, onda kólikti qaıta tirkeý qyzmetin tek bir operator ǵana usynǵan bolatyn. Memlekettik korporatsııa bul buryshty keńeıtip, avtoHQO-nyń tolyqqandy sektoryna aınaldyrý týraly sheshim qabyldady.

«Biz halyq eń kóp baratyn mamandandyrylǵan HQO júktemesin azaıtyp, almatylyqtar úshin qaıta tirkeý qyzmetin yńǵaıly jerden ala alatyndaı etý mańyzdy boldy. Jańa lokatsııa qala syrtyna shyqpaı-aq, satyp alynǵan mashınany qaıta resimdeý protsesin jedeldetýge múmkindik beredi. Biz tirkeý bóliminiń 50 mamanyn osy sektorǵa kóshirýdi josparlap otyrmyz», – deıdi Memlekettik korporatsııanyń basqarma tóraǵasy Ádil Qojyqov.

Pandemııaǵa qaramastan, halyqqa qyzmet kórsetý ortalyqtary klıentteriniń sany azaıǵan joq. Ótken jyly almatylyqtarǵa avtokólikterdi qaıta tirkeý boıynsha 608 myń qyzmet kórsetildi, bul respýblıka boıynsha kórsetilgen qyzmet kóleminiń 24%.

Saıaly yqsham aýdanyndaǵy №1 mamandandyrylǵan HQO-da almatylyqtar burynǵydaı júrgizýshi kýáligin resimdeýge baılanysty memlekettik qyzmetterdi alýdy jalǵastyrady. Atap aıtqanda, teorııalyq, praktıkalyq emtıhandardy tapsyrý, júrgizýshi kýáligin joǵalýyna jáne merziminiń aıaqtalýyna baılanysty aýystyrý, qosymsha júrgizýshi kategorııasyn alý jáne taǵy basqa qyzmetteri.

Esterińizge sala keteıik, azamattar avtoqyzmetterdi onlaın túrde eGov.kz jáne kaspi.kz qosymshasy arqyly rásimdeı alady.


Avtor Alma Muqanova
Basty sózder: Almaty, Qoǵam, Kólik,
Joǵary qaraı