Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatylyq órt sóndirýshiler taktıkalyq oqý-jattyǵý daıyndyǵyn ótkizdi

2022 jyldyń 25 mamyr 2022 05:10

ALMATY. QazAqparat – Almatyda órt sóndirýshiler taktıkalyq oqý-jattyǵý daıyndyǵyn ótkizdi. Sharaǵa barlyǵy 27 tehnıka, 142 jeke quram jumyldyryldy, dep habarlaıdy QazAqparat tilshisi.

Stsenarıı boıynsha Kishi Almaty ózeni basseıni shatqalynyń ońtústik-batys betkeıinen shyqqan órt 2 ,5 gektardan astam jerdi sharpydy. Jeldiń ekpini saldarynan órt aýmaǵy ulǵaıyp, demalýshy týrısterge, sondaı-aq órt Іle Alataýy memlekettik ulttyq tabıǵı parkiniń orman alqabyna taralýyna qaýip tóndirdi.




Otty sóndirýge qalalyq Tótenshe jaǵdaılar departamenti ormanshylar, jasyl beldeý jáne taǵy basqa mekemeniń mamandary qatysty.

Ótkizilgen jattyǵýlar aıasynda tabıǵı órtti sóndirýdi, tótenshe jaǵdaılar aımaǵynan adamdardy evakýatsııalaýdy jáne zardap shekkenderge alǵashqy medıtsınalyq kómek kórsetýdi uıymdastyrý boıynsha praktıkalyq is-sharalar pysyqtaldy.

«Demalý úshin baratyn oryndardyń biri jáne qalanyń injý-marjany-ormandy alqaptarmen jabylǵan Іle Alataýy taýlarynyń mańy bolyp tabylady. Taý silemderiniń negizgi orman quraýshy tuqymy Tıan-Shan shyrshasy men balqaraǵaı, taý bókterindegi alqaptarda qaıyń, terek, kókterek , buta tuqymdylary basym bolǵandyqtan -bizdiń mindetimiz - ormandardyń qaýipsizdigin qamtamasyz etý jáne týrıster men qonaqtardyń orman aımaǵynda qaýipsiz bolýyn qamtamasyz etý», - dep atap ótti Almaty qalasy Tótenshe jaǵdaılar departamentiniń bastyǵy Rýslan Qasybaev.




Oqý-jattyǵýǵa barlyq qyzmetterdiń jeke quramnyń 142 adam, 27 tehnıka birlig, 2 kvadrokopter jáne 3 áýe ushaǵy jumyldyryldy.

Rýslan Qasybaevtyń aıtýynsha, 2022 jyldyń birinshi mamyrynan beri 55 reıd júrgizildi. Nátıjıesinde 23 jeke tulǵa ákimshilik jaýapkershilikke tartylyp, olarǵa 76 575 teńge aıyppul salyndy.




















Joǵary qaraı