Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatylyq kompanııa jappaı tártipsizdik kezinde qonaqtaryna tegin kómek kórsetti

2022 jyldyń 15 qańtar 2022 15:59

ALMATY. QazAqparat – Almatyda jappaı tártipsizdik kezinde «YourHouse» kompanııasy qıyn jaǵdaıda qalǵan óz qonaqtaryna tegin kómek kórsetti. Bul týraly QazAqparat tilshisine kompanııa basshysy Almıra Rafıkova aıtyp berdi.

«YourHouse» kompanııasy 2019 jyldan bastap Almatydaǵy táýliktik jaldaý naryǵynda jumys isteıdi. Kompanııa basshysynyń aıtýynsha, Almatyda mundaı tragedııa bolaryn eshkim oılamaǵan.

«Bizdiń páterlerde turǵan otbasylar 5-8 qańtar aralyǵynda, ıaǵnı, jappaı tártipsizdik kezinde páterlerdi bosatyp, eshqaıda kete alǵan joq. Biz qaladaǵy tynysh emes ýaqytty eskerip, olardan sol kezden bastap turǵany úshin aqsha alǵan joqpyz.

Eki balasy bar otbasyǵa azyq-túlikter de alyp berdik. Sebebi, ata-anasynda balalarǵa beretin tamaqtary taýsylǵan, qolma-qol aqshalary da qalmaǵan jaǵdaı boldy.

Qonaqtar qańtar aıyndaǵy tapsyrystaryn da toqtatty. Biz olardyń barlyǵyna avanstaryn qaıtardyq»,- dedi Almıra Rafıkova.

«YourHouse» kompanııasy 10 qańtarda telegram jelisi istegen boıda sondaǵy eriktiler tobyna qosylyp, qaladan shyǵa almaı, Almatyda qalyp qoıǵan otbasylarǵa tegin baspana beretini týraly habarlaǵan.

«Degenmen, qonaqtardy qabyldap, ornalastyrý boıynsha óz talabymyzdy qoıdyq. ıAǵnı, bizde turý úshin qonaqtarda mindetti túrde jeke kýáligi, poıyz nemese áýe bıletteri bolýy kerek boldy. Sebebi, bizge óz qyzmetkerlerimizdiń qaýipsizdigi de mańyzdy»,- dedi kompanııa basshysy.

Qazirgi ýaqytta «YourHouse» sanıtarlyq normalar men qonaqtardy ornalastyrý erejelerin qatań saqtaı otyryp, ádettegi jumysyn jalǵastyrýda. Qazir 42 nysany bar.

«YourHouse» nysandarynyń mekenjaıy men fotolaryn www.your-house.kz saıty men @yourhouse.kz. ınstagram paraqshasynan taba alasyz. Baılanys telefondary: 87073243344, 87762423344


Joǵary qaraı