Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatylyq dárigerler tamaǵyna súıek turyp qalǵan áıeldi aman alyp qaldy

2022 jyldyń 17 qańtar 2022 23:08

ALMATY. QazAqparat - Almatylyq dárigerler tamaǵyna súıek turyp qalǵan 54 jastaǵy áıeldi aman alyp qaldy, dep habarlaıdy QazAqparat tilshisi.

Ortalyq klınıkalyq aýrýhanasynyń baspasóz qyzmeti málim etkendeı, jótelge shaǵymdanǵan 54 jastaǵy áıel shuǵyl túrde aýrýhanaǵa jatqyzyldy.

Fýnktsıonaldyq dıagnostıka bólimshesiniń meńgerýshisi Jasulan Elemes naýqasqa endoskopııalyq tekseris - bronhoskopııa júrgizdi, nátıjesinde tamaǵynan bóten dene anyqtady.

Dáriger keńirdegine turyp qalǵan 2 sm bolatyn súıekti alyp tastady.

«Ýaqytynda júrgizilmegen bronhoskopııa qabynǵan isik túıini bolyp, irińdi qabynýǵa aınalyp ketetin edi. Protsedýra sátti ótti, súıek tamaǵyna zaqym keltirmeı alyndy», - dedi dáriger Jasulan Elemes.

Óz kezeginde patsıent dárigerlerge alǵysyn bildirdi.

«Jótel mende tamaq iship otyrǵanda paıda boldy. Men qaqalyp qaldym. Sodan toqtaýsyz jóteletin boldym. Emhanaǵa baryp, dárigerge qaraldym. Jazyp bergen dárilerin ishtim, biraq, ol kómektespedi. Sol sebepti aýrýhanaǵa barýdy sheshtim. Qabyldaý bólimine barǵanda, dárigerge meniń jótelim unamady. Olar muqııat tekserdi. Nátıjesinde tamaǵymda súıek turǵanyn anyqtady. Dárigerlerge kásipkerligi úshin, der kezinde dıagnoz qoıǵany úshin alǵysym sheksiz! Sizderge úlken rahmet», - dedi patsıent.

Dárigerler qaqalyp nemese shashalyp qalǵannan jótel paıda bolsa, mamandarǵa júginýge keńes berdi.

Avtor Alma Muqanova
Basty sózder: Almaty, Medıtsına,
Joǵary qaraı