Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatylyq dárigerler kózge kúrdeli ota jasady

2022 jyldyń 24 mamyr 2022 03:30

ALMATY. QazAqparat - Ortalyq qalalyq kınıkalyq aýrýhana dárigerleri kóziniń torly qabyǵyna jaryq túsken áıelge joǵary tehnologııalyq ota jasady, dep habarlaıdy QazAqparat tilshisi.

Quny 700 myń teńgeden asyp jyǵylatyn operatsııa mindetti áleýmettik medıtsınalyq saqtandyrý sheńberinde jasaldy.

Oftalmologııa bólimi meńgerýshisi Gúlzat Ábraıymovanyń aıtýynsha, kózdiń torly qabyǵynyń tamyrlardan ajyraýy aýyr patologııadar qataryna jatady.

Maman sózine súıensek, kózdiń torlyq qabyǵynyń ajyraýyn dárimen nemese ekpemen emdeý múmkin emes. Kórý qabiletin qalpyna keltirýdiń birden-bir joly – kózge jedel ota jasaý. Sol sebepti patsıenttiń kóz danaryn saqtap qalý maqsatynda mıkrohırýrgııalyq manıpýlıatsııa jasaý týraly sheshim qabyldanǵan. Onyń ústine, kózdiń artqy torly qabyǵynyń ajyraýy operatsııany qıyndata túsken.

«Kózdiń torly qabyǵy ajyraǵan kezde kórý qabileti nasharlaıdy jáne kóp jaǵdaıda patsıent janarynan aıyrylyp qalady. Ádette, torly qabyqtyń zaqymdanýyna jaraqat pen mıopııa (kózdiń jaqynnan kórmeýi), qant dıabeti, kóz ishindegi isik, qabyqtyń formasynyń buzylýy syndy jaǵdaılar túrtki bolýy múmkin. Bizdiń patsıent joǵary deńgeıdegi mıopıamen aýyrǵan. Biz oǵan vıtrektomııa dep atalatyn ota jasap, ishindegi áınek tárizdes deneni mıkrohırýrgııalyq jolmen alyp tastadyq, ornyn arnaıy suıyqtyqpen toltyrdyq, - deıdi dáriger.

Mundaı kúrdeli hırýrgııalyq otalar joǵary tehnologııalardyń kómegimen jasalady.

Sebebi óte názik bolyp keletin torly qabyqtaǵy árbir jasýsha kózdiń kórý qabiletine jaýap beredi.


Avtor Alma Muqanova
Basty sózder: Medıtsına, Almaty,
Joǵary qaraı