Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyq 56 jasynda alǵash ret Qazaqstannyń tólqujatyn aldy

2021 jyldyń 23 qarasha 2021 23:26

ALMATY. QazAqpart – Almaty turǵyny 56 jasynda alǵash ret jeke kýáligin rásimdedi, dep habarlaıdy QazAqparat tilshisi.

Kóshi-qon polıtsııasy qyzmetkerleri eshbir qujatsyz jáne áli kúnge deıin Keńes odaǵynyń eski úlgidegi pasportymen júrgen azamattardy anyqtaý maqsatynda jumystar júrgizip jatyr.

Azamattar qoldarynda eshqandaı qujat bolmaǵandyqtan biraz memlekettik qyzmetterdi, onyń ishinde densaýlyq saqtaý, bilim alý, áleýmettik kómek, zeınetaqy sııaqty qyzmet túrlerin múldem ala almaıdy.

«Mundaı tulǵalardy anyqtaý ońaıǵa túspeıdi. Sebebi ondaı adamdardyń azamattyǵyn anyqtap, jeke tólqujat rásimdeý úshin birshama ýaqyt kerek. Jyl basynan beri bizdiń aýdan boıynsha jeke kýáligi joq 14 azamat anyqtaldy»,-deıdi Almaty qalasy Túrkisib aýdandyq polıtsııa basqarmasynyń bastyǵy Erkin Amantaev

Qujatsyz júrgen azamattardyń biri 1965 jyly týǵan Beıbit Hasenov. Ol Qazaqstan respýblıkasynyń jeke kýáligin rásimdedi.

« Osy oraıda biz qujatsyz júrgen azamattardy turǵylyqty meken-jaıy boıynsha kóshi-qon polıtsııasyna qujat rásimdeý úshin ótinish berýlerin suraımyz»,-dep atap ótti polıtsııa ókili.


Avtor Alma Muqanova
Basty sózder: Kólik, Qoǵam, Almaty,
Joǵary qaraı