Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyǵa shetelden PTR anyqtamasy joq 13 myń jolaýshy kelgen

2021 jyldyń 27 qańtar 2021 18:31

ALMATY. QazAqparat - Pandemııa bastalǵaly beri Almatyǵa shetelden 13 myńnan astam adam PTR testisiz keldi. Bul týraly Almaty qalalyq sanıtarlyq-epıdemıologııalyq baqylaý departamentiniń bastyǵy, qalanyń bas memlekettik sanıtarlyq dárigeri Jandarbek Bekshın onlaın brıfıng barysynda aıtty, dep habarlaıdy QazAqparat tilshisi.

«Ádette basqa elden kelgen azamattardyń 90% -y jasyl dálizden ótedi, óıtkeni olardyń qolynda PTR-testileýdiń teris nátıjesi bar. Desekte, aqshalaryn únemdep PTR anyqtamasyz keletinder de bar. Mundaı adamdar basqa adamdarǵa úlken qaýip tóndiredi. Memleket mundaı azamattardy tegin testileýden ótkizip, tamaqtandyryp, kólikpen qamtamasyz etedi. Pandemııa bastalǵaly beri 13 myńnan astam jolaýshy Almatyǵa shetelden PTR testisiz keldi. Shetelden kelgen 85 azamattan koronavırýs anyqtaldy. Olar Túrkııa, Egıpet pen BAÁ jáne basqa elderden ushyp kelgen jolaýshylar «, - dedi Jandarbek Bekshın.

Sonymen qatar, qalanyń bas sanıtarlyq dárigeri PTR anyqtamasy joq azamattardy memleket tegin medıtsınalyq tekserýden ótkizetindigin atap ótti.

«Qazir PTR test quny 8025 teńge. 6 myń teńge -jatyn orny, azyq-túlik pen jol aqysy- 4 500 teńge. Osydan-aq, memleket qansha aqsha jumsaıtynyn esepteýge bolady. Biz sııaqty azamattaryna qamqorlyq tanytatyn memleketter kemde-kem. Biz óz azamattarymyzdy shetelde qaldyra almaımyz «, - dep atap ótti ol.

Buǵan deıin Jandarbek Bekshın Almatyda epıdemıologııalyq ahýaldyń kúrt tómendep ketkenin aıtqan bolatyn.



Avtor Alma Muqanova
Basty sózder: Almaty, Koronavırýs, Karantın, Kólik,
Joǵary qaraı